Type to search

خبریں

چوہدری نثار خود پارٹی چھوڑ کرگئے، مسلم لیگ(ن) واپس نہیں لے گی

  •  
  •  
  •  
  •  
  •  
  •  
  •  
  •  
  •  

پاکستان مسلم لیگ ن کے سینئر نائب صدر اور سابق وزیر اعظم شاہد خاقان عباسی نے کہا ہے کہ چوہدری نثار خود پارٹی چھوڑ کرگئے، مسلم لیگ(ن) واپس نہیں لے گی، جب کوئی جماعت چھوڑدیتا ہے تو پھر جماعت بھی اسے چھوڑ دیتی ہے، ان کو واپس آنا ہے تو میاں نواز شریف سے رابطہ کریں۔

نجی ٹی وی سے خصوصی گفتگو کرتے ہوئے شاہد خاقان عباسی نے کہا کہ چوہدری نثار کو کسی شخص نے جماعت سے نہیں نکالا، وہ خود پارٹی کو چھوڑ کر چلے گئے تھے، چوہدری نثار نے پریس کانفرنس کرکے جماعت چھوڑی، کسی اور نشان پر الیکشن میں حصہ لیا، جب کوئی جماعت چھوڑدیتا ہے تو پھر جماعت بھی اس کو چھوڑ دیتی ہے۔ اگر ان کو جماعت میں واپس آنا ہے تو پارٹی قیادت سے رابطہ کریں، جماعت ان کو ڈھونڈنے نہیں جائے گی۔

شاہد خاقان عباسی نے کہا کہ ان کو چاہیے میاں نواز شریف سے رابطہ کریں، واپس آنا ان کا فیصلہ ہے، لیکن کیا جماعت ان کو واپس لے گی؟ یہ اس سے بڑا سوال ہے۔ شاہد خاقان عباسی نے کہا کہ میرا ذاتی خیال ہے خیال کہ مسلم لیگ ن ان کو واپس نہیں لے گی۔ مجھے چوہدری نثار کی مسلم لیگ ن میں جگہ نظر نہیں آتی۔ ان کا کسی کے ساتھ رابطہ نہیں ہے، ہم سب ان کے عشروں کے دوست ہیں، اگر وہ ہم سے رابطہ نہیں رکھ سکے، میاں نوازشریف سے رابطہ نہیں رکھ سکے تو پھر مشکل ہوگا۔

سابق وزیراعظم نے کہا کہ مسلم لیگ ن کے دونہیں ایک ہی بیانیہ ہے۔ ہر ایک کا بات کرنے کا اپنا طریقہ ہے۔ مریم نواز کی جہاں ضرورت ہوتی ہے وہ اپنا کردار ادا کرتی ہیں۔شہبازشریف بالکل وزیراعظم بن سکتے ہیں ان کو جماعت بنائے گی۔عہدہ ایک امانت ہوتی ہے جو جماعت دیتی ہے۔ انہوں نے کہا کہ پیپلزپارٹی کا اگر پی ڈی ایم میں واپسی کیلئے موجودہ مئوقف ہی ہے تو پھر ناں ہی سمجھے۔ پورا یقین ہے پیپلزپارٹی کو جہاں سیاسی فائدہ ہوگا وہ استعمال کرے گی۔

Tags:

You Might also Like

Leave a Comment

Your email address will not be published. Required fields are marked *