Type to search

خبریں

گوجرانوالہ: جنسی درندوں نے 11 سالہ بچی کو زیادتی کے بعد گلا دبا کر قتل کر دیا

نامعلوم ملزمان نے 11 سالہ طالبہ کو مبینہ زیادتی کا نشانہ بنانے کے بعد گلہ دبا کر قتل کر دیا اور لاش کھیتوں میں پھینک کر فرار ہو گئے۔

گوجرانوالہ میں قلعہ دیدار سنگھ کے علاقہ محلہ محمد پورہ کے رہائشی ضیا اللہ کی بیٹی گورنمنٹ پرائمری گرلزسکول گئی لیکن گھر سکول سے واپس نہ آئی، جسے نامعلوم ملزمان نے اغوا کر کے نامعلوم مقام پر لے جا کر مبینہ زیادتی کا نشانہ بنانے کے بعد بچی کا گلہ دبا کر اسے قتل کر دیا اور لاش کھیتوں میں پھینک کر فرار ہو گئے ۔

اطلاع ملتے ہی پولیس موقعہ پر پہنچ گئی اور جائے وقوعہ سے شواہد اکٹھے کر کے کارروائی شروع کر دی ہے۔

پولیس کا کہنا تھا کہ بچی کی لاش کو پوسٹمارٹم کے لیے ہسپتال منتقل کر دیا گیا ہے ۔ پولیس کے مطابق واقعے پر نامعلوم ملزم کے خلاف مقدمہ درج کرکے تحقیقات شروع کردی گئی ہیں۔

Tags:

You Might also Like

Leave a Comment

Your email address will not be published. Required fields are marked *