Type to search

خبریں سیاست

راولپنڈی رنگ روڈ سکینڈل: تحقیقاتی رپورٹ تیار کرنے والے کمشنر کو ذلفی بخاری کا 1 ارب ہرجانے کا نوٹس

سابق معاون خصوصی زلفی بخاری نے رنگ روڈ کی رپورٹ بنانے والے کمشنر راولپنڈی کو ایک ارب روپے ہرجانے کا نوٹس بھیج دیا ہے۔

میڈیا رپورٹس کے مطابق سابق معاون خصوصی زلفی بخاری نے راولپنڈی رنگ روڈ کی رپورٹ بنانے والے کمشنر راولپنڈی گلزار حسین شاہ کے خلاف قانونی کاروائی کا فیصلہ کیا ہے، اس حوالے سے زلفی بخاری نے کمشنر راولپنڈی کو ایک ارب روپے کا ہرجانے کا نوٹس بھجوا دیا ہے۔
نوٹس میں کیا کہا گیا ہے۔

نوٹس میں کہا گیا ہے کہ راولپنڈی رنگ روڈ کی رپورٹ میں زلفی بخاری سے متعلق من گھڑت بیان نے ان کی ساکھ کو نقصان پہنچایا، کمشنر راولپنڈی 14 روز میں نوٹس کا جواب جمع کرائیں، انکوائری رپورٹ میں زلفی بخاری کے حوالے سے دیا گیا بیان واپس لیں، اپنے بیان پر اعلانیہ طور پر زلفی بخاری سے معافی مانگیں، اور اپنے بیان کی تردید جاری کریں۔

واضح رہے کہ سابق معاون خصوصی زلفی بخاری نے رنگ روڈ اسکینڈل کی رپورٹ سامنے آنے کے بعد خود کو ہر قسم کی تحقیقات کے لیے پیش کرتے ہوئے کہا تھا کہ میرا رنگ روڈ منصوبے سمیت رئیل اسٹیٹ کے کسی بھی منصوبے سے کوئی تعلق نہیں، کسی بھی قسم کی تحقیقات کا سامنا کرنے کے لیے تیار ہوں، جب تک میرے خلاف انکوائری مکمل نہیں ہوجاتی میں اپنے عہدے سے مستعفی ہورہا ہوں۔

 

Tags:

Leave a Comment

Your email address will not be published. Required fields are marked *