یو ایم ٹی کے باہر طلبہ کے احتجاج پر پولیس کا لاٹھی چارج، طلبہ و طالبات شدید زخمی ، ہسپتال منتقل

یونیورسٹی آف مینجمنٹ ٹیکنالوجی کے باہر طلبہ فزیکل امتحانات اور ہاسٹل فیسوں کے خلاف احتجاج کر رہے تھے جس پر پولیس نے لاٹھی چارج شروع کر دیا۔

پولیس کے لاٹھی چارج سے طلبہ شدید زخمی ہوئے۔ پولیس کی جانب سے طالبات کو بھی دھکے دئیے گئے اور ان کو حراساں کیا گیا۔ پولیس تشدد سے طلبہ رہنما اور پروگریسو سٹوڈنٹس کولیکٹو کے صدر زبیر صدیقی شدید زخمی ہوئے جنہیں جناح ہسپتال پہنچایا گیا۔

زخمی طلبہ کو جناح ہسپتال لایا جارہا ہے جبکہ دیگر طلبہ پولیس تشدد کے خلاف یونیورسٹی کے باہر احتجاج کر رہے ہیں۔

طلبہ کا کہنا ہے کہ وہ پر امن طریقے سے احتجاج کر رہے تھے۔ یونیورسٹی انتظامیہ کے ایما پر نہتے طلبہ پر تشدد کیا گیا ۔ جس سے طلبہ شدید زخمی ہوئے اور انہیں ہسپتال پہنچایا جارہا ہے۔ یونیورسٹی انتظامیہ اور پولیس کا تاحال اس پر کوئی موقف سامنے نہیں آیا اور نہ ہی فزیکل امتحانات کو روکنے کی کوئی بات کی جارہی ہے۔