قومی احتساب بیورو نے سابق وزیراعظم شاہد خاقان عباسی کو لاہور ٹول پلازہ سے گرفتار کر لیا۔ نیب نے شاہد خاقان عباسی کو آج ایل این جی کیس میں طلب کر رکھا تھا لیکن انہوں نے آج نیب میں پیش نہ ہونے کا فیصلہ کیا تھا۔
تفصیلات کے مطابق مسلم لیگ ن کے سینئر نائب صدر اور سابق وزیر اعظم پاکستان شاہد خاقان عباسی لاہور ٹول پلازہ سے گزر رہے تھے کہ وہاں موجود پولیس نے انہیں روکا اور بعد ازاں وہاں موجود نیب ٹیم نے انہیں گرفتار کرلیا۔ شاہد خاقان عباسی شہباز شریف کی پریس کانفرنس میں شرکت کے سلسلے میں احسن اقبال کے ساتھ لاہور جارہے تھے۔
سابق وزیراعظم شاہدخاقان عباسی گرفتار،نیب حکام ساتھ لےگئے, شاہدخاقان کوٹھوکرنیازبیگ ٹول پلازہ کےقریب گرفتارکیاگیا, شاہدخاقان شہبازشریف کیساتھ پریس کانفرنس کیلئےلاہورآرہےتھے, چیئرمین نیب نےشاہدخاقان کےوارنٹ گرفتاری 2 روز پہلے جاری کیےتھے۔#ShahidKhaqanAbbasi pic.twitter.com/MAjxpE2L90
— NayaDaur Urdu (@nayadaurpk_urdu) July 18, 2019
چیئرمین نیب نے شاہد خاقان کے وارنٹ گرفتاری 2 روز پہلے جاری کیے تھے۔
دوسری جانب ترجمان مسلم لیگ ن نے بھی شاہد خاقان عباسی کی گرفتاری کی تصدیق کردی ہے۔ شہباز شریف نے شاہد خاقان عباسی کی گرفتاری کی مذمت کرتے ہوئے اسے سیاسی انتقام قرار دیا ہے۔
واضح رہے قومی احتساب بیورو کی جانب سے شاہد خاقان عباسی کو آج ایل این جی ٹرمینل کا ٹھیکہ مخصوص کمپنی کو دینے پر تحقیقات کے لیے طلب کیا تھا لیکن وہ نجی مصروفیات کے باعث نیب آفس میں پیش نہیں ہوئے۔
