بالی ووڈ میں ان دنوں لگتا ہے شادیوں کا سیزن شروع ہونے والا ہے کیونکہ انڈین میڈیا نے خبریں دینا شروع کر دی ہیں کہ کترینہ کیف اور عالیہ بھٹ جلد ہی اپنے پیا گھر سدھار جائیں گی۔
تفصیل کے مطابق شادیوں کا سیزن شروع ہوچکا ہے اور اس کے ساتھ ہی بالی ووڈ کے عاشق جوڑوں سے متعلق چہ میگوئیاں بھی تیز ہونے لگی ہیں۔ بالی ووڈ کی ہٹ جوڑی عالیہ بھٹ، رنبیر کپور، وکی کوشل اور کترینہ کیف کی شادیوں کی خبریں خوب گردش میں ہیں۔
View this post on Instagram
دونوں کی شادی کے تعلق سے ایک ایسی خبر سامنے آ رہی ہےجس کو جاننے کے بعد دونوں کے مداح کافی پُرجوش ہونے والے ہیں۔
عالیہ بھٹ اور رنبیر کپور کی شادی کافی لمبے وقت سے سرخیوں کا حصہ رہی ہے۔ نیتو کپور جلد اپنے گھر میں دلہن کے طور پر عالیہ کو لانے والی ہیں۔ گزشتہ سال بھی عالیہ بھٹ اور رنبیر کپور کی شادی کے تعلق سے خبریں تھیں لیکن مانا گیا کہ کورونا کے سبب انہیں یہ فیصلہ واپس لینا پڑا۔
اب خبر ہے کہ یہ جوڑی اسی سال دسمبر میں شادی کے بندھن میں بندھنے والی ہے۔ میڈیا رپورٹس کے مطابق، عالیہ اور رنبیر کپور لمبے انتظار کے بعد اسی سال دسمبر میں شادی کرنے جا رہے ہیں۔
View this post on Instagram
دراصل خبریں ہیں کہ ’برہماستر‘ کے بعد رنبیر کپور اپنی آنے والی فلم ’اینیمل‘ کی شوٹنگ کرنے والے تھے لیکن انہوں نے اس کا شیڈول جنوری 2022ء تک ملتوی کر دیا ہے۔
وہیں عالیہ بھٹ کے تعلق سے خبریں ہیں کہ وہ بھی اکتوبر تک اپنے سبھی اسائنمنٹ کو پورا کرلیں گی اور نومبر سے جنوری کے پہلے ہفتے تک ایک خود کو فری رکھنے والی ہیں۔
خیال رہے کہ بھارتی میڈیا میں ان دنوں کترینہ کیف اور وکی کوشل جبکہ رنبیر کپور اور عالیہ بھٹ کے درمیان دوستی اور افیئرز کی خبریں ہیں۔ کہا جا رہا ہے کہ بالی ووڈ میں جلد ہی بڑی شادیاں سرانجام پانے ہی والی ہے۔
View this post on Instagram
بیشتر انڈین نیوز ویب سائٹس کی رپورٹس کے مطابق کترینہ کیف دسمبر میں وکی کوشل کے ساتھ شادی کے بندھن میں بندھ جائیں گی۔
ویب سائٹس کا دعویٰ ہے کہ شادی کی تقریب دسمبر کے پہلے ہفتے میں طے کی گئی ہے۔ کترینہ اور وکی نے شادی کے مقام کیلئے سوائی مادھو پور میں واقع سکس سینس فورٹ باوارہ نامی ریزورٹ کا انتخاب کیا ہے جو اصل میں راجستھان کے شاہی خاندان کی ملکیت تھا۔ ریزورٹ میں دو مندر اور ایک محل شامل ہے۔
بھارتی ذرائع ابلاغ نے یہ کھوج بھی لگائی ہے کہ بالی ووڈ کی تقریبا تمام ہیروئنز کی پہلی پسند فیشن ڈیزائنر سبیا ساچی ہی کرینہ کے اس یادگاردن پران کیلئے عروسی لباس تیار کریں گے۔
View this post on Instagram
سبیاساچی اس سے قبل یپیکا پڈوکون، ودیا بالن، انوشکا شرما اوردیگر بالی ووڈسیلیبرٹیزکے ملبوسات تیار کر چکے ہیں۔ ان کی ڈیزائن کردہ ساڑھیاں اور لہنگے پورے بھارت میں متمول طبقے کی تقریبات میں خواتین کی پہلی پسند ہیں۔
بھارتی میڈیا میں زیر گردش شادی کی خبروں کے باوجود فی الحال کترینہ یا وکی کوشال کی جانب سے تصدیق یا کسی قسم کا ردعمل سامنے نہیں آیا ہے۔ دونوں کی منگنی کی اطلاعات اگست میں سامنے آئی تھیں۔ یہ جوڑی 2019ء سے تعلق میں ہے اورمختلف مواقع پردونوں کو ساتھ میں دیکھا گیا ہے۔
