یوٹیوب چینل ''ناشپاتی پرائم'' میں حریم شاہ نے وفاقی وزیر داخلہ شیخ رشید کو کال کرکے دھماکا کر دیا تھا، اب انہوں نے مفتی قوی کو بھی لائیو پروگرام میں فون کرکے سب کو دنگ کر دیا ہے۔
پروگرام کے دوران ہنستے ہوئے انہوں نے اب میں ''مفتی'' کو کال کرتی ہوں۔ اس پر میزبان نے حیرانگی سے پوچھا کہ کیا وہ اب بھی آپ کی کال اٹھا لیں گے؟ جس پر حریم شاہ نے کہا کہ ہاں اٹھا لیں گے۔ اس کے بعد انہوں نے فوری مفتی قوی کا نمبر ملایا اور انھیں کال کردی۔
خیال رہے کہ ناشپاتی پرائم میں ٹک ٹاکر حریم شاہ کو مدعو کیا گیا تھا۔ ابھی صرف اس پروگرام کے ٹریلر ہی سامنے آئے ہیں۔ گزشتہ روز حریم شاہ کی لائیو شو کے دوران وفاقی وزیر داخلہ شیخ رشید کو کال سوشل میڈیا پر وائرل ہو چکی ہے۔
یہ بھی پڑھیں: حریم شاہ کے موبائل میں شیخ رشید کا نمبر ”شیخو” کے نام سے محفوظ، لائیو پروگرام کے دوران ہی کال کردی
یہ بات بھی ذہن میں رہے کہ ٹک ٹاک سٹار سوشل میڈیا پر مفتی عبدالقوی کیساتھ اپنی ویڈیو شیئر کرتی رہتی ہیں۔ حریم شاہ نے 18 جنوری 2021ء کو مفتی قوی کو تھپڑ مارنے کی مختصر ویڈیو شیئر کی تھی، جس میں اگرچہ ان کا چہرہ نہیں دکھائی دے رہا مگر ایک خاتون کو مفتی قوی کو تھپڑ مارتے ہوئے دیکھا جا سکتا ہے۔
مذکورہ ویڈیو کے بعد حریم شاہ نے ابتدائی طور پر دعویٰ کیا تھا کہ مفتی قوی نے ان کے ساتھ بدتمیزی اور نازیبا گفتگو کی، جس وجہ سے انہوں نے انہیں تھپڑ رسید کیا۔ بعد ازاں حریم شاہ نے دعویٰ کیا کہ مفتی قوی کو تھپڑ انہوں نے نہیں بلکہ ان کی کزن نے مارا۔
View this post on Instagram
مذکورہ معاملے کے بعد حریم شاہ نے مفتی قوی کی ڈریسنگ روم میں بنائی گئی مزید دو ویڈیوز بھی شیئر کی تھیں، جن میں انہیں دوسرے سے خوشگوار موڈ میں بات کرتے ہوئے دیکھا جا سکتا ہے۔ علاوہ ازیں دونوں کی سوشل میڈیا پر بھی متعدد ویڈیوز زیر گردش رہیں جن میں دونوں کو ناصرف فون پر باتیں کرتے دیکھا جا سکتا ہے بلکہ دونوں کو ایک ساتھ کھانا کھاتے ہوئے بھی دیکھا جا سکتا ہے۔
View this post on Instagram
ان تمام ویڈیوز کے بعد حریم شاہ نے مفتی قوی کے ساتھ بنائی گئی ایک اور ویڈیو شیئر کردی، جس میں دونوں کو میک اپ روم میں دیکھا جا سکتا ہے۔ ریلیز کی گئی ویڈیو میں میک اپ آرٹسٹ خاتون مفتی قوی کو میک اپ کر رہی ہیں، جب کہ پاس ہی حریم شاہ اپنے موبائل سے ویڈیو بناتی دکھائی دیتی ہیں۔
ویڈیو میں حریم شاہ اور مفتی قوی کو خوشگوار موڈ میں دیکھا جا سکتا ہے اور ویڈیو سے اندازہ ہوتا ہے کہ دونوں کسی ٹی وی یا ڈیجیٹل شو میں شرکت کے لیے تیار ہو رہے ہیں۔