پاکستان کے مشہور کامیڈینز آغا ماجد اور سلیم البیلا کو پٹھانوں پر لطیفے سنانا مہنگا پڑ گیا۔ دبئی میں منعقدہ ایک تقریب میں موجود حاضرین بھڑک اٹھے۔ انہوں نے دونوں کو پکڑ کر سرعام معافی منگوائی۔
تفصیل کے مطابق متحدہ عرب امارات کے شہر دبئی میں گذشتہ دنوں ایک تقریب کے دوران پاکستانی کامیڈینز آغا ماجد اور سلیم البیلا کی متصبانہ لطیفے بازی سے وہاں موجود چند حضرات بھڑک اٹھے۔
لوگوں نے دونوں کامیڈیننز سے ناصرف معافی منگوائی بلکہ انھیں پکڑ کر دبئی پولیس کے حوالے کرنے کی بھی دھمکی دی۔ احتجاج کرنے والے افراد کا کہنا تھا کہ یہ پاکستان نہیں بلکہ یو اے ای ہے۔ یہاں پٹھانوں پر لطیفے بازی کی اجازت نہیں دی جائے گی۔
تقریب میں موجود بعض افراد کا کہنا تھا کہ آپ کسی کو اس طرح مذاق کا نشانہ نہیں بنا سکتے۔ مشتعل حاضرین نے مطالبہ کیا کہ دونوں کامیڈینز اعلانیہ سب پٹھانوں سے معافی مانگیں۔
صورتحال بگڑتی دیکھ کر آغا ماجد اور سلیم البیلا نے سب کے سامنے معافی مانگی۔ خیال رہے کہ پاکستان میں مختلف کامیڈینز کی جانب سے اس طرح کی متعصبانہ لطفیے بازی عام ہے۔ جو یقیناً کوئی اچھا طرز عمل نہیں ہے۔ اس سے پاکستان میں بسنے والی مختلف اقوام میں نفرت بڑھتی ہے۔
