سوشل میڈیا پر عامر لیاقت کی ایک ویڈیو وائرل ہو رہی ہے جس میں وہ کسی خاتون کیساتھ خوشگوار موڈ میں دکھائی دے رہے ہیں۔ یہ ویڈیو دیکھتے ہی صارفین چہ مگوئیاں کرنا شروع ہو گئے ہیں کہ کیا عامر بھائی کی زندگی میں دانیہ شاہ کے بعد کوئی اور لڑکی آ گئی ہے لیکن عامر لیاقت کی جانب سے ابھی تک کوئی جواب نہیں دیا گیا۔
تفصیل کے مطابق تیسری اہلیہ دانیہ شاہ کے ساتھ علیحدگی کے بعد مختلف حوالوں سے سوشل میڈیا پر زیر بحث رہنے والے عامر لیاقت کی تازہ ویڈیو نے انہیں ایک بار پھر ان کو متنازع بنا دیا ہے۔
وائرل ہونے والی اس ٹک ٹاک ویڈیو میں عامر لیاقت کسی خاتون کے ساتھ موجود ہیں اور دونوں جن ڈائیلاگز پر ایکٹنگ کررہے ہیں وہ انہیں مزید متنازع بنا رہے ہیں۔
View this post on Instagram
ویڈیو دیکھنے والے سوشل میڈیا صارفین نے تبصروں میں ناگواری کا اظہار کرتے ہوئے کہا کہ لگتا ہے عامرلیاقت اب اس خاتون سے چوتھی شادی کریں گے۔ دوسری جانب مختلف انٹرٹینمنٹ سائٹس پر دستیاب یہ ویڈیو عامر لیاقت کے اپنے ٹک ٹاک اکاؤنٹ پر موجود نہیں ہے۔
یہ بھی پڑھیں: ‘دلہن بنوں گی تو صرف عامر کی’ عامر لیاقت کو چوتھی شادی کی پیشکش کر دی گئی
خیال رہے کہ پاکستان تحریک انصاف کے رہنما عامر لیاقت کو ایک اور لڑکی نے چوتھی شادی کی پیشکش کر دی ہے۔ علیزے نامی لڑکی کا کہنا ہے کہ عامر لیاقت بہت اچھے انسان ہیں۔ دانیہ نے ان پر جھوٹے الزام لگائے اور ان سے 11 کروڑ کا مطالبہ کیا۔ میں عامر لیاقت کو کئی کروڑ روپے دے سکتی ہوں اگر وہ مجھ سے چوتھی شادی کر لیں۔
اس کا ایک یوٹیوبر کو انٹرویو دیتے ہوئے کہنا تھا کہ مجھے مشہور ہونے کا کوئی شوق نہیں،مجھے ان سے اس لیے محبت ہے کہ وہ دین و دنیا دونوں کی تعلیم رکھتے ہیں، وہ بہت اچھے انسان ہیں۔ دانیہ ملک نے ان کی عزت کی دھجیاں اڑا دیں، انہوں نے جو بھی الزام لگائے وہ ایسے نہیں ہیں، ان پر جھوٹے الزامات لگائے گئے ہیں۔
لڑکی نے مزید کہا کہ میں ان کے پروگرام دیکھتی رہی ہوں اور انہیں جانتی ہوں۔آ ج تک ان کے منہ سے کبھی ایسی کوئی بات نہیں سنی۔علیزے نے کہا کہ دانیہ نے 11 کروڑ کا مطالبہ کیا، میں عامر لیاقت کو کئی کروڑ روپے دے سکتی ہوں، انہیں سونے کا محل بنا کر دے سکتی ہوں۔ اگر وہ مجھ سے چوتھی شادی کے لئے رضا مند ہو جائیں تو۔
