سپریم کورٹ نے پرویز الٰہی کے حق میں فیصلہ دیتے ہوئے حمزہ شہباز سے وزارتِ اعلیٰ چھین لی اور میوزیکل چیئر کی اس گیم میں وزیرِاعلیٰ پنجاب کی کرسی پر پرویز الٰہی کو بٹھا دیا۔ اس سارے معاملے پر شوبز شخصیات کا کیا کہنا تھا، آئیں جانتے ہیں۔
اداکارہ منال خان نے انسٹاگرام پر چیئرمین پی ٹی آئی عمران خان کی تصویر شیئر کی جس پر لکھا تھا، پاکستان کی جیت۔
اداکارہ، ہوسٹ اور ماڈل عفت عمر نے ٹویٹر پر عمران خان پر طنز کیا کہ لاڈلا، اب بھی لاڈلا ہی ہے۔ اس سے بھی جی نہ بھرا تو دو مزید ٹویٹس کر ڈالے اور لکھا کہ پراجیکٹ عمران خان پر جتنی محنت اور پیسہ لگایا گیا، وہ سب کبھی فلش آؤٹ نہیں ہو سکتا۔ سلیکٹڈ وزیرِاعلیٰ بھی کپتانی جدوجہد کا ہی پھل ہے۔ یعنی پرویز الٰہی کو بھی سلیکٹڈ کہہ ڈالا۔
ladla is still a ladla.
— Iffat Omar Official (@OmarIffat) July 26, 2022
اداکار منیب بٹ نے تو ڈپٹی سپیکر پنجاب اسمبلی کی گرفتاری کا ہی مطالبہ کر ڈالا۔ انہوں نے ٹویٹ کیا کہ آئین توڑنے پر دوست محمد مزاری کو گرفتار کیا جائے۔ پھر یکے بعد دیگرے دو ٹویٹس داغے۔ ایک میں لکھا ایک کھلاڑی پوری پی ڈی ایم پر بھاری اور دوسرے میں حمزہ شہباز پر طنز کیا کہ صرف تھوڑی سی استعمال شدہ اچکن For Sale ہے۔
Deputy speaker Mr Mazari should be arrested now for breaking constitution !
— Muneeb Butt (@muneeb_butt9) July 26, 2022
اداکار ارسلان نصیر نے بھی ٹویٹر کا محاذ سنبھالا اور حمزہ شہباز کو کہا کہ حمزہ بھائی !!! شیروانی فارغ ہے تو مجھے دے دیں، ولیمے پر کام آجائے گی۔ پھر طنز کیا کہ وزارت ہے یا Turkish Ice-cream؟؟ حمزہ شہباز میڈیا پر بھڑک اٹھے۔ اس کے بعد اسٹیپلر کی تصویر شیئر کرتے ہوئے لکھا کہ ارے ایسے کیسے سی ایم نہیں رہے؟ حمزہ بھائی آپ کسی کی نہ سنیں۔ باقی چیزیں بعد میں دیکھتے ہیں، آپ سب سے پہلے تو شیروانی کو جسم سے Staple کروائیں۔ اور آخر میں لکھا ایک زرداری ن لیگ پر بھاری۔
Aray aisey kaisey CM nahi rahey? ….Hamza bhai aap kissi ki na sunain, baaki cheezain baad mai dekhtey hain aap sab se pahley to sherwani ko jismm se staple karwaein! #Supreme_Court_Of_Pakistan #PervaizElahi pic.twitter.com/1UFraEFTAc
— Arslan Naseer – CBA (@ArslanNaseerCBA) July 26, 2022
گلوکار اور برابری پارٹی کے سربراہ جواد احمد نے عمران خان کے خلاف انتہائی سخت زبان استعمال کی اور انہیں منافق کہہ ڈالا۔ ٹویٹ کیا کہ ” کیا اب ملک سیاسی جماعتوں کو نہیں بلکہ عدلیہ اور اسٹیبلشمنٹ کو مل کر چلانا چاہیے؟ جو دیوار پر لکھا گیا ہے افسوس کہ وہ ابھی بھی کوئی پڑھ نہیں پا رہا۔ عمران خان جیسے عفریت کو جیسے اس ملک پر مسلط کیا گیا ہے، وہ میرے جیسا محب الوطن وانسان برداشت نہیں کر پا رہا۔ منافق عمران پاکستان کو غاروں کے زمانےمیں لے کر جا رہا ہے۔
اب ملک سیاسی جماعتوں کونہیں بلکہ عدلیہ اوراسٹیبلشمنٹ کومل کرچلاناچاہیے؟جودیوارپرلکھاگیاہےافسوس کہ وہ ابھی بھی کوئی پڑھ نہیں پارہا۔عمران خان جیسےعفریت کوجیسےاس ملک پرمسلط کیاگیاہے،وہ میرےجیسامحب الوطن وانسانیت برداشت نہیں کرپارہا۔منافق عمران پاکستان کوغاروں کےزمانےمیں لےکرجارہاہے۔
— Jawad Ahmad (@jawadahmadone) July 27, 2022
اداکار بلال قریشی نے انسٹاگرام پر سپریم کورٹ کے لئے تالیاں پِیٹ ڈالیں۔ لکھا یہ چیز میرے عزیز۔ اس فیصلے نے ثابت کر دیا کہ امید ابھی باقی ہے۔ اداکار عمران عباس نے پاکستان کا جھنڈا اور اپنی تصویر شیئر کرتے ہوئے لکھا کہ اس یادگار فتح پر پوری قوم کو مبارک باد۔
View this post on Instagram
متنازع لکھاری خلیل الرحمان قمر نے لکھا کہ عدلیہ کے ہاتھوں تکبر کی موت۔ پنجاب میں پی ٹی آئی کی حکومت۔ مزاری کی رولنگ سے ڈپٹی سپیکرشپ کے مزار تک کی کہانی۔
عدلیہ کے ہاتھوں تکبر کی موت
— Khalil Ur Rehman Qamar (@KrqOfficial) July 26, 2022
پنجاب میں پی ٹی آئی کی حکومت
مزاری کی رولنگ سے ڈپٹی سپیکر شپ کے مزار تک کی کہانی ہے— Khalil Ur Rehman Qamar (@KrqOfficial) July 26, 2022
اداکارہ ثمینہ پیرزادہ نے تو ٹویٹس کی بھرمار ہی کر ڈالی۔ لکھتی ہیں ووٹ کو عزت مل ہی گئی بالاخر۔ پاکستان کا بھی حق ہے کہ وہ دنیا کے ساتھ چلے اور ہر پاکستانی تعلیم یافتہ اور خوشحال ہو اور یہ تب ہی ہو سکتا ہے جب ہم خود اپنی تقدیر کو بدلنے کے لئے تدبیر کرنا شروع کردیں۔ جمہور یت زندہ باد، جمہور زندہ باد، پاکستان پائندہ باد۔
پاکستان کا بھی حق ہے کہ وہ دنیا کے ساتھ چلے اور ہر پاکستانی تعلیم یافتہ اور خوشحال ہو۔ اور یہ تبھی ہوسکتا ہے جب ہم خود اپنی تقدیر کو بدللنے کے لئے تدبیر کرنا شروع کردیں ہر انسان کو کام کرنا پڑے گا تب ہی پاکستان بدلےگا۔ یہ پہلی جیت ہے جو ہم سب نے مل کر حاصل کی ہے۔ڈٹے رہو ۔ مبارک
— Samina Peerzada (@SaminaSays) July 26, 2022
اداکار محسن اکرام نے بلاول بھٹو زرداری کو مینشن کرتے ہوئے سابق صدر آصف زرداری کے متعلق نازیبا زبان استعمال کی اور لکھا کہ ایک زرداری سب پہ بھاری۔
Ik Zardari sub say bari beemari !!!
Congratulations to @ImranKhanPTI ❤️#Supreme_Court_Of_Pakistan
— Ahsan Mohsin Ikram (@ahsanmikramsays) July 26, 2022
سینئر اداکارہ شگفتہ اعجاز نے انسٹاگرام پر پاکستان کا جھنڈا شیئر کیا اور لکھا، پاکستان زندہ باد۔
حق کی فتح ہوئی سب کو مبارک ہو✌️🇵🇰#Supreme_Court_Of_Pakistan @fawadchaudhry @FarrukhHabibISF pic.twitter.com/PI0ckIGhsC
— Noor ul Hasan Muhammad (@NoorulHasanTeam) July 26, 2022
