حال ہی میں پاکستان کے ایوارڈ یافتہ ماڈل ایمل خان کی نازیبا تصاویر سوشل میڈیا پر واِئرل ہوئی ہیں جو فیشن فوٹو گرافر اشنا خان کی جانب سے شیئر کی گئی ہیں جنہیں رواں سال لکس اسٹائل ایوارڈ بھی ملا ہے ۔ تصاویر میں ایمل خان برہنہ (بغیر کپڑوں کے) ایک کرسی پر بیٹھے دکھائی دے رہے ہیں۔
View this post on Instagram
بھارتی اداکار رنبیر سنگھ کے نقش قدم پر چلتے ہوئے ماڈل نے انتہائی نازیبا فوٹو شوٹ تو کروا ڈالا تاہم سوشل میڈیا صارفین اداکار کی اس بے شرمی سےقطعی طور پر محظوط نہیں ہوئے۔ جہاں صارفین کی جانب سے اداکار پر شدید تنقید کی جارہی ہے، وہیں کچھ صارفین نے اس کو شہرت حاصل کرنے کے لئے سستا اور اوچھا ہتھکنڈا قرار دے دیا۔
ماڈل کی برہنہ فوٹوز کے نیچے سوشل میڈیا صارفین کی جانب سے کمنٹس کے ذریعے غصے اور تاسف کا اظہار بھی کیا جارہا ہے۔
View this post on Instagram
تصویر پر ایک انسٹاگرام صارف نے لکھا کہ "کوئی شرم کوئی حیا"۔ دوسرے صارف کا کہنا ہے کہ "میں انہیں آج سے پہلے تک نہیں جانتا تھا، اب جانتا ہوں، ان کا مشن مکمل ہوگیا"۔
ایک اور صارف نے لکھا کہ بھائی ایسی کیا مجبوری تھی؟ ایک صارف نے تصاویر کو انتہائی بیہودہ قرار دیتے ہوئے کہا "مطلب کچھ بھی" جبکہ ایک صارف نے نامکمل جملے میں تصویرکا حوالہ دے کر پاکستان کی شوبز انڈسٹری پر تنقید کرتےہوئے کہا "آرٹ کے نام پر"۔
ایک صارف کا کہنا تھا کہ کتنی شرم کی بات ہے۔ ایک مسلمان ہونے کے ناطے کچھ اخلاقیت ہونی چاہیئیں۔
ایک صارف نے تو ماڈل کو رنویر سنگھ کا ہلکا ماڈل قرار دیتے ہوئے "رنویر سنگھ لائٹ" کہہ دیا۔
واضح رہے کہ رواں برس بالی ووڈ اداکار رنویر سنگھ کو برہنہ فوٹو شوٹ کروانے پر تنقید کا سامنا کرنا پڑا تھا یہاں تک کہ ان کے خلاف مقدمہ بھی درج ہوا تھا۔ فوٹو شوٹ کے ذریعے رنویر سنگھ نے 70 کی دہائی کے پاپ آئکن برٹ رینالڈس کو خراج تحسین پیش کیا تھا جو 1972 میں کاسموپولیٹن میگزین کے شوٹ کے لیے بے لباس ہو گئے تھے۔
تاہم اب ماڈل ایمل خان نے بالی ووڈ اداکار کی کاپی کرتے ہوئے برہنہ فوٹو شوٹ کروایا ہے ۔ایمل خان کی یہ تصاوییر کس مقصد کے تحت لی گئی ہیں یہ تو واضح نہیں تاہم سوشل میڈیا صارفین کی جانب سے اس پر کڑی تنقید کی جارہی ہے اور ماڈل پر پابندی عائد کرنے کا مطالبہ بھی کیا جارہا ہے۔