اپوزیشن لیڈر شہباز شریف نے وطن واپسی کے موقع پر ہیتھرو ایئرپورٹ پر میڈیا سے گفتگو کرتےہو ئے کہا ہے کہ حکومت نے ظلم وزیادتی کا راستہ اپنایا ہوا ہے،3 مرتبہ وزیراعظم رہنے والے کیلیےپی ٹی آئی حکومت سرد مہری کا مظاہرہ کر رہی ہے۔
انہوں نے کہا پرسوں قومی اسمبلی کے اجلاس کے موقع پر اپوزیشن جماعتوں سے مشاورت ہو گی، آئندہ کے لائحہ عمل کے لیے تمام فیصلے مشاورت سے کیے جائیں گے۔
ان کا کہنا تھا کہ میری وطن واپسی سے متعلق بے بنیاد خبریں پھیلائی گئیں، جھوٹی خبریں پھیلانے والوں کے خلاف قانونی کارروائی کروں گا،
سابق وزیراعظم سے متعلق پوچھے گئے سوال پر شہباز شریف نے کہا کہ نواز شریف کو بہت پرانی بیماری ہے اور ان کے آپریشن بھی ہو چکے ہیں۔
