موٹاپے کا شکار نور حسن کا لاہور کے نجی اسپتال میں آپریشن کردیا گیا، ڈاکٹر کے مطابق نور حسن کی سرجری کامیاب ہوئی ہے اور اسے آئی سی یو میں منتقل کر دیا گیا ہے۔
نور الحسن کے وزن کو کم کرنے کے لیے لاہور کے نجی ہسپتال میں انکا آپریشن کیا گیا، جس کے بعد انہیں آئی سی یو میں منتقل کر دیا گیا۔ نور حسن کے معالج ڈاکٹر معاذ کا میڈیا سے گفتگو کرتے ہوئے کہنا تھا کہ نور حسن کے پیٹ پر چربی بہت زیادہ تھی،اس کا 2 سالوں میں 200 کلو وزن کم ہوگا۔
نور حسن کا کامیاب آپریشن#NoorHassan #Operation #Breaking #BOLNews pic.twitter.com/ps3O3qxbXi
— BOL NETWORK (@BOLNETWORK) June 28, 2019
ان کا کہنا تھا کہ نور حسن کا ایک ماہ میں 25 کلو وزن کم ہوجانے کے بعد وہ بغیر سہارے کے خود سے چلنا شروع ہوجائے گا۔
نور حسن کے معالج نے بتایا کہ انہیں مکمل طور پر صحت مند ہونے پر 20 روز بعد اسپتال سے ڈسچارج کر دیا جائے گا۔ ڈاکٹرز نے بتایا کہ خوراک میں نور حسن کو پروٹین ڈائیٹ اور کیلو ریز دیں گے تاکہ اس کا زخم جلدی بھر جائے۔
واضح رہے کہ پنجاب کے شہر صادق آباد کے رہائشی 60 سالہ نور حسن کی درخواست پر آرمی چیف نے ان کے علاج کی ہدایات دیں۔
300 کلو وزنی نور حسن کو گھر سے نکالنے کے لئے بیرونی دیوار توڑی گئی تھی، انہیں لوڈر کے ذریعے گھر سے آرمی ہیلی کاپٹر تک پہنچایا گیا،اس موقع پر اہل علاقہ نے پھول بھی برسائے تھے۔
