وزیر ریلوے شیخ رشید احمد نے مقبوضہ کشمیر سے متعلق بھارت کے غیر ذمہ دارانہ فیصلے پر سمجھوتہ ایکسپریس بند کرنے کا فیصلہ کیا ہے۔
لاہور میں پریس کانفرنس کرتے ہوئے شیخ رشید احمد نے کہا کہ جب تک میں وزیر ریلوے ہوں سمجھوتہ ایکسپریس نہیں چل سکتی، یہ ٹرین ہفتے میں دو دن چلتی تھی، اب سمجھوتہ ایکسپریس کی بوگیاں عید کی چھٹیوں پر دیگر ٹرینوں میں لگائی جائیں گی۔
مودی کی سیاست لال چوک سری نگر میں ختم ہوگی،
جب تک میں وزیر ریلوے ہوں سمجھوتا ایکسپریس نہیں چل سکتی،— Sheikh Rashid Ahmad (@ShkhRasheed) August 8, 2019
انہوں نے کہا کہ بھارت نے کشمیر سے متعلق عالمی اداروں کی قرارداد کو تہہ و بالا کردیا، بھارت نے شملہ معاہدے کو بھی تہہ و بالا کر دیا، بھارت نے لائن آف کنٹرول کے معاہدے کی بھی خلاف ورزی کی ہے، ہم مقبوضہ کشمیر میں بھارت کے سفاکانہ، ظالمانہ، مجرمانہ اور غیر ذمہ دارانہ فیصلے کی مذمت کرتے ہیں۔
پاکستان جنگ نہیں چاہتا ، امن کے خواہاں ہیں
کشمیریوں پر ہونے والے مظالم پر خاموش نہیں رہ سکتے
بھارت نے جو کچھ کیا یہ سوچی سمجھی سازش ہے اور اس پر خاموش نہیں رہا جا سکتا— Sheikh Rashid Ahmad (@ShkhRasheed) August 8, 2019
ان کا کہنا تھا کہ بھارت نے جو کچھ کیا وہ سوچی سمجھی سازش اور اس کا ایجنڈا ہے، یہ بہت پرخطر سال ہوگا جس میں جنگ بھی ہو سکتی ہے، ہم کسی قیمت پر جنگ کی طرف نہیں جانا چاہتے لیکن کشمیریوں پر ہونے والے مظالم پر خاموش تماشائی نہیں بن سکتے جبکہ اگر جنگ مسلط کی گئی تو یہ آخری جنگ ہوگی۔
شیخ رشید نے مزید کہا کہ کشمیری اور پاکستانی کا دل ایک ساتھ دھڑکتا ہے، پاک فوج نے کہا ہے ہم کشمیر کے لیے آخری حد تک جائیں گے، میں کشمیر کو اندر سے جانتا ہوں جبکہ مودی کی سیاست بابری مسجد سے شروع ہوئی اور سری نگر پر ختم ہوگی۔
