تفصیلات کے مطابق پاکستانی پہلوان انعام بٹ نے دوحا میں منعقد ہونے والے ورلڈ بیچ گیمز میں گولڈ میڈل جیت لیا ہے۔ انعام بٹ نے چھ باؤٹس میں ناقابل شکست رہتے ہوئے ایک بار پھر خود کو چیمپئن ریسلر منوایا۔
انعام بٹ ورلڈ بیچ گیمز میں پاکستان کی نمائندگی کرنے والے واحد ایتھلیٹ ہیں۔ فائنل میں انعام بٹ نے جارجیا کے ریسلر داتو مارسا گیشولی کو 2-5 سے شکست دی۔
پاکستان کے مایہ نازپہلوان محمدانعام بٹ نے ورلڈبیچ گیمز ریسلنگ 90کلوگرام کیٹگری میں گولڈمیڈل جیت کر دنیابھر میں سبزہلالی پرچم سربلند کردیا۔ @InamTheWrestler #PakistanZindabad
?? pic.twitter.com/97oPd7HEtb
— PTV Sports (@PTVSp0rts) October 14, 2019
ایک موقع پر جارجیئن ریسلر 0-2 سے برتری حاصل کیے ہوئے تھے لیکن انعام بٹ نے آخری پندرہ سیکنڈز میں بازی پلٹی اور تین مرتبہ اپنے حریف کو دھول چٹاتے ہوئے 2-5 سے فتح اپنے نام کر لی۔
پاکستان کے مایہ نازپہلوان محمدانعام بٹ نے ورلڈبیچ گیمز ریسلنگ 90کلوگرام کیٹگری میں گولڈمیڈل جیت کر دنیابھر میں سبزہلالی پرچم سربلند کردیا۔ pic.twitter.com/NxcPouckBD
— PTV Sports (@PTVSp0rts) October 14, 2019
جیت کے بعد انعام بٹ نے پاکستان کا پرچم لہراتے ہوئے گراؤنڈ کا چکر لگایا اور سجدہ کیا۔
انعام بٹ نے آذربائیجان ، پرتگال ، جارجیا اور ترکی کے پہلوانوں کو گروپ باؤٹس میں مات دی۔ سیمی فائنل میں انعام بٹ نے اسپین کے پہلوان پیڈرو گارشیا پیریز کو بھی آؤٹ کلاس کرتے ہوئے فائنل تک رسائی حاصل کی تھی۔