جیو نیوز سے حاصل معلومات کے مطابق وزارت داخلہ نے جمعیت علمائے اسلام (ف) کی ذیلی تنظیم انصار الاسلام کو کالعدم قرار دینے کے لیے سمری وزارت قانون اور الیکشن کمیشن کو ارسال کر دی ہے۔ سمری میں کہا گیا ہے کہ جے یو آئی (ف) کی ذیلی تنظیم ڈنڈا بردار ہے اور قانون اس کی اجازت نہیں دیتا۔
وزارت قانون کو بھیجی گئی سمری میں کہا گیا ہے کہ قانون میں کسی قسم کی مسلح ملیشیا کی اجازت نہیں۔
جیو نیوز نے اپنے ذرائع کا حوالہ دیتے ہوئے بتایا کہ جے یو آئی (ف) میں شامل تنظیم پارٹی منشور کی شق نمبر 26 کے تحت الیکشن کمیشن میں بھی رجسٹرڈ ہے۔
واضح رہے کہ چند روز قبل جے یو آئی (ف) کے باوردی محافظ دستے کی ایک ویڈیو وائرل ہوئی تھی جس میں دیکھا گیا تھا کہ مولانا فضل الرحمان محافظ دستے سے سلامی لے رہے ہیں۔
اسلام آباد آزادی مارچ کے لئے جمعیت علماء اسلام پاکستان کے رضاکاروں کا پشاور میں مارچ ۔ ۔ ۔
انصار الاسلام کی آزادی مارچ کیلئے تمام تر تیاریاں مکمل#AzadiMarch27October I @JUIPAKOFFICIAL ?? pic.twitter.com/GHgp1DrgCI
— Maulana Fazl-ur-Rehman (@MoulanaOfficial) October 13, 2019
خیبر پختونخوا حکومت نے ویڈیو وائرل ہونے کے بعد جے یو آئی (ف) کے محافظ دستے کے خلاف کارروائی کا اعلان بھی کیا تھا۔