پاکستان مسلم لیگ (ن) کے قائد نواز شریف صحت کے مسائل کا شکار ہیں جس کی وجہ سے انہیں طبی معائنے کیلئے سروسز ہسپتال لاہور منتقل کر دیا گیا ہے۔ نواز شریف کے ذاتی معالج ڈاکٹر عدنان کا کہنا ہے کہ نواز شریف کے پلیٹلیٹس کی تعداد صرف 12 ہزار رہ گئی ہے۔
تفصیلات کے مطابق سابق وزیراعظم نواز شریف کے ذاتی معالج ڈاکٹر عدنان نے میاں نواز شریف سے ملاقات کی، جس کے بعد انہوں نے ٹویٹس کے ذریعے اپنے پیغام میں کہا کہ میاں نواز شریف کی میڈیکل رپورٹس تسلی بخش نہیں ہیں، انہیں فوری طور پر ہسپتال منتقل کیا جانا چاہیے۔ جس کے بعد نواز شریف کو لاہور کے سروسز ہسپتال منتقل کیا گیا جہاں سابق وزیراعظم کا علاج جاری ہے۔
Former PM #NawazSharif is detected to have critically low Platelet Count (16*10^9/L) that could be due to multiple pathologies & requires immediate in-hospital care.
I’ve requested the concerned authorities to act in urgency please. pic.twitter.com/hnaYHEAxkF— Dr. Adnan Khan (@Dr_Khan) October 21, 2019
دوسری جانب لندن میں مقیم سابق وزیراعظم نواز شریف کے صاحبزادے حسین نواز کا کہنا ہے کہ پلیٹلیٹس کم ہونے کی ایک وجہ زہر بھی ہو سکتی ہے۔ حسین نواز نے ڈاکٹر عدنان کی ٹویٹ کے جواب میں لکھا کہ پلیٹلیٹس کم ہونے کی ایک وجہ زہر بھی ہو سکتی ہے جو ایک یا دوسری صورت میں دیا جا رہا ہو۔
پلیٹلیٹ کم ہونے کی ایک وجہ پوائزننگ(یعنی زہر )بھی ہو سکتی ہے جو ایک یا دوسری صورت میں دیا جا رہا ہو۔کسی کو شبے کا فائدہ نہ دیں۔اگر میاں صاحب کو کوئی نقصان پہنچا تو آپ جانتے ہیں کون لوگ اس کے ذمہ دار ہونگے۔ https://t.co/luwVSl5CBh
— Hussain Nawaz Sharif (@Hussain_NSharif) October 21, 2019
حسین نواز کا مزید کہنا تھا کہ کسی کو شبے کا فائدہ نہ دیں، اگر والد کو کوئی نقصان پہنچا تو آپ جانتے ہیں کون لوگ اس کے ذمہ دار ہوں گے۔
یہ آج کا نہیں بہت عرصے سے طے شدہ طبی معاملہ ہے کہ پلیٹلیٹس کی کمی کی ایک وجہ زہر بھی ہو سکتی ہے
THROMBOCYTOPENIA AS A MANIFESTATION OF POISONING https://t.co/QynhE1eMjK— Hussain Nawaz Sharif (@Hussain_NSharif) October 21, 2019
اس کے بعد حسین نواز نے ایک اور رپورٹ پوسٹ کرتے ہوئے لکھا کہ یہ آج کا نہیں بلکہ بہت عرصے سے طے شدہ طبی معاملہ ہے کہ پلیٹلیٹس کی کمی کی ایک وجہ زہر بھی ہو سکتی ہے۔
یاد رہے کہ سابق وزیر اعظم نواز شریف چوہدری شوگر مل کیس میں نیب کی حراست میں ہیں جبکہ احتساب عدالت کی جانب سے انہیں العزیزیہ ریفرنس میں 7 سال قید کی سزا سنائی گئی ہے۔
