امریکہ کے شہر نیویارک میں جرمن پورن اداکارہ کو نیویارک پولیس ڈپارٹمنٹ کے ہیڈ کوارٹر تک رسائی ملنے پر تنازع پیدا ہو گیا۔
غیر ملکی خبر رساں ادارے کی رپورٹ کے مطابق جرمن پورن اداکارہ انینا یوکاتس نے 14 اکتوبر کو انسٹاگرام پر ممنوعہ مقام، جہاں تصاویر لینے کی اجازت نہیں ہوتی، کی تصاویر اور ویڈیوز اپلوڈ کی تھیں۔
View this post on Instagram
انینا یوکاتس کے پوسٹ میں پولیس کے ریئل ٹائم کرائم سینٹر اور کمشنر جیمز او نیل کے دفتر کے باہر کی تصاویر دکھائی گئیں جس کے بعد سوشل میڈیا پر تنازع کھڑا ہو گیا۔
نیویارک کے میئر بل ڈی بلاسیو نے اس تنازع پر بات کرتے ہوئے کہا کہ مجھے یہ سن کر اچھا نہیں لگا، مجھے نہیں معلوم کہ یہ کیسے ہوا۔
فرسٹ ڈپٹی کمشنر بینجمن ٹوکر کا کہنا تھا کہ انہیں اس معاملے کا دو روز قبل ہی علم ہوا ہے اور ڈپارٹمنٹ اس معاملے کی تہہ تک جائے گا۔
