نجی ٹی وی سے گفتگو کے دوران شیخ رشید نے حادثے کی تفصیلات بتاتے ہوئے کہا کہ واقعے میں ٹرین کی تین بوگیاں متاثر ہوئیں، لوگ اجتماع پر جا رہے تھے، مسافروں کے دو سلینڈر پھٹنے کے باعث بوگیوں میں آگ لگی اور زیادہ تر ہلاکتیں مسافروں کے چلتی ٹرین سے چھلانگ لگانے کی وجہ سے ہوئیں۔
وزیر ریلوے کا کہنا تھا کہ اس واقعے میں ریلوے کی غلطی نہیں بلکہ مسافروں کی غلطی ہے، مسافروں نے ناشتہ بنانے کے لیے سلنڈر جلایا جس کے بعد چلتی ٹرین میں آگ لگ گئی۔
ریسکیو 1122 نے مسافر ٹرین تیز گام کی متاثرہ بوگیوں سے حادثے کا باعث بننے والے گیس سلنڈر برآمد کرلیے۔#NayaDaur #RahimYarKhan #TezgamExpress #TrainAccident pic.twitter.com/PuK4aNFft9
— NayaDaur Urdu (@nayadaurpk_urdu) October 31, 2019
شیخ رشید نے کہا کہ مسافر ٹرین میں سلنڈر کیسے لے کر پہنچے اس کی تحقیقات کی جائیں گی۔
وزیر ریلوے کا کہنا تھا کہ مسافر چولہے اپنے تھیلے میں رکھ دیتے ہیں اور قانون سے نہیں ڈرتے، کراچی سے مسافر سلنڈر لے کر چڑھے تو نوٹس لیں گے۔
چھوٹے سٹیشنوں پر اسکینر کا نظام موجود نہیں لہٰذا تحقیقات کریں گے کہ مسافر سلنڈر لے کر کون سی سٹیشن سے چڑھے۔
واضح رہے کہ حادثے کے بارے میں بات کرتے ہوئے چیئرمین ریلویز سکندر سلطان کا کہنا تھا کہ ٹرین میں سلنڈر اور مٹی کا تیل لے جانے کی اجازت نہیں ہے اور اس کی تحقیقات کا آغاز کر دیا گیا ہے کہ ٹرین میں مسافر سلنڈر لے کر کیسے سوار ہوئے۔