بھارت ایل او سی پر حملے کی تیاریاں کر رہا ہے، پاک فوج بھرپور جواب دینے کے لئے تیار ہے، آئی ایس پی آر

پاک فوج نے بھارتی آرمی چیف کے حالیہ بیان کو مسترد کرتے ہوئے کہا ہے کہ بھارتی آرمی چیف بیپن روات کا بیان ہمیشہ کی طرح اس مرتبہ بھی دنیا کی توجہ شہریت ترمیمی بل (کیب) پر ہونے والے مظاہروں سے ہٹانے کی کوشش ہے۔

پاک فوج کے شعبہ تعلقات عامہ آئی ایس پی آر کے ڈائریکٹر جنرل (ڈی جی) میجر جنرل آصف غفور نے سماجی روابط کی ویب سائٹ ٹوئٹر پر ایک پیغام میں کہا کہ بھارتی آرمی چیف بیپن روات کا بیان ہمیشہ کی طرح اس مرتبہ بھی دنیا کی توجہ شہریت ترمیمی بل (کیب) پر بھارت میں ہونے والے مظاہروں سے ہٹانے کی کوشش ہے۔

پاک فوج نے بھارتی آرمی چیف کے حالیہ بیان کو مسترد کرتے ہوئے خبردار کیا کہ پاک فوج ہر دم تیار ہے اور بھارت کی کسی بھی مہم جوئی اور جارحیت کا بھرپور جواب دیا جائے گا۔

Provocative statements and preparations for escalation along LOC by Indian COAS appear to be an effort as usual to divert world attention from wide spread protests in India against CAB. Pakistan Armed Forces shall befittingly respond to any Indian misadventure or aggression.

— DG ISPR (@OfficialDGISPR) December 19, 2019

خیال رہے کہ بھارتی آرمی چیف نے ایک بیان میں کہا تھا کہ لائن آف کنٹرول (ایل او سی) پر حالات کسی بھی وقت کشیدہ ہو سکتے ہیں۔ بھارتی آرمی چیف کا کہنا تھا کہ بھارتی فوج کسی بھی قسم کی کشیدگی نے نمٹنے کے لیے تیار ہیں۔

Army Chief General Bipin Rawat: Situation along the Line of Control can deteriorate, Indian Army is always ready for escalatory matrix (file pic) pic.twitter.com/efhuWww2pO

— ANI (@ANI) December 18, 2019

یاد رہے کہ بھارتی آرمی چیف کا بیان ایسے وقت میں سامنے آیا ہے جب دو روز قبل آزاد کشمیر کے دو مختلف سیکٹرز میں بھارتی فورسز کی ایل او سی پر بلا اشتعال فائرنگ سے ایک پاکستانی بچہ شہید اور دو افراد زخمی ہوگئے تھے۔