راولپنڈی: میجر جنرل آصف غفور کا ڈائریکٹر جنرل انٹر سروسز پبلک ریلیشنز کے عہدے سے تبادلہ کر دیا گیا ہے۔ آصف غفور کا تبادلہ کر کے انہیں جنرل آفیسر کمانڈنگ 40 انفنٹری ڈویژن اوکاڑہ لگا دیا گیا ہے۔
فوج میں تقرریاں
میجر جنرل بابر افتخار کو ڈی جی آئی ایس پی آر تعینات کر دیا گیا ، آصف غفور جی او سی 40 ڈویژن (اوکاڑہ) بھیج دئیے گئے۔
میجر جنرل اظہر وقاص کو ملٹری انٹیلی جینس کا ڈائریکٹر جنرل تعینات کردیا گیا— Azaz Syed (@AzazSyed) January 16, 2020
اعزاز سید کے مطابق آصف غفور کی جگہ میجر جنرل بابر افتخار کو ڈی جی آئی ایس پی آر تعینات کر دیا گیا۔ تازہ ترین تقرریوں میں میجر جنرل اظہر وقاص کو ملٹری انٹیلی جینس کا ڈائریکٹر جنرل تعینات کردیا گیا ہے۔
Maj Gen Baber Iftikhar, DG ISPR
— Rauf Klasra (@KlasraRauf) January 16, 2020
جیو نیوز اور جنگ گروپ سے منسلک صحافی ارشد وحید چودھری کے مطابق نئے ڈی جی آئی ایس پی آر بابر افتخار بطور جی او سی ملتان ذمہ داریاں سر انجام دے رہے تھے۔ چودھری کے مطابق لیفٹیننٹ جنرل کے عہدے پہ ترقی کے لئے کسی ڈویژن کی کمان کرنا ضروری ہوتا ہے اس لیے میجر جنرل آصف غفور کو پہلے جی او سی لگایا جائے گا۔
یہ بھی پڑھیے: عہدے کی تبدیلی کے بعد میجر جنرل آصف غفور کا پہلا بیان سامنے آ گیا
پاک فوج کے شعبہ تعلقات عامہ کی جانب سے میجر جنرل آصف غفور کے تبادلے اور میجر جنرل بابر افتخار کو ترجمان پاک فوج تعینات کرنے کی تصدیق کر دی گئی ہے۔ عہدے کی تبدیلی کے بعد میجر جنرل آصف غفور کا پہلا بیان سامنے آ گیا. ان کا اپنے مداحوں کے نام پیغام میں کہنا تھا کہ آپکی محبت اورحمایت کاشکریہ۔ مضبوط رہتے ہوۓ پاکستان کے لئے اپنا کام جاری رکھیں۔ Stay blessed.
Thanks for your love & support. Stay strong, continue doing your bit for Pakistan.Stay blessed
آپکی محبت اورحمایت کاشکریہ۔ مضبوط رہتے ہوۓ پاکستان کے لئے اپنا کام جاری رکھیں۔ Stay blessed.— Asif Ghafoor (@peaceforchange) January 16, 2020
میجر جنرل آصف غفور نے سماجی روابط کی ویب سائٹ ٹوئٹر آئی ایس پی آر کے اکاؤنٹ پر بھی پیغام دیا، اپنے پیغام میں انہوں نے کہا کہ الحمداللہ، ان سب کا شکریہ جن کے ساتھ میں اپنے دور میں منسلک رہا، میں تمام میڈیا کا شکر گزار ہوں، پاکستانی عوام کی محبت اور سپورٹ پر ان کا بھی تہہ دل سے شکر گزار ہوں۔ انہوں نے نئے ڈی جی آئی ایس پی آر کے لیے نیک تمناوں کا اظہار بھی کیا۔
