لاہور کے علاقے بیگم کوٹ انسانیت کی تذلیل کا منظر پیش کرتا رہا، گاڑی کو راستہ نہ دینے پر بگڑے رئیس زادے نے رکشہ ڈرائیور کو سڑک کےدرمیان مرغا بنادیا۔
فوٹیج میں دیکھا جا سکتا ہے کہ کوٹ عبدالمالک جی ٹی روڈ کے قریب رکشہ ڈرائیور لاہور کی طرف آرہا تھا کہ ایک کار سوار نے رکشے سے آگے نکلنے کی کوشش کی لیکن راستہ نہ ملنے پر کار سوار غصے سے لال پیلا ہوگیا۔
https://twitter.com/KarachiWalay90/status/1218497976022249477?s=20
کار سوار گاڑی رکشے سے آگے نکالتے ہوئے رکشہ کو روک لیا اور ڈرائیور کو اتار کر پہلے تشدد کا نشانہ بنایا اور پھر اسے سڑک کے درمیان مرغا بنا دیا۔ فوٹیج میں دیکھا جا سکتا ہے کہ کار سوار رکشہ ڈرائیور کو مرغا بنا کر غلیظ گالیاں دے رہا ہے اور اسے جان سے مارنے کی دھمکیاں بھی دے رہا ہے۔
فوٹیج منظر عام پر آنے کے باوجود کار سوار کے خلاف تاحال کوئی کارروائی عمل میں نہ لائی جاسکی ہے۔
