پشتون تحفظ موومنٹ (پی ٹی ایم) کے نوجوان رہنما منظور پشتین کو پشاور کے یونیورسٹی ٹاؤن سے ساتھیوں سمیت گرفتار کر کے شرقی تھانہ پشاور منتقل کر دیا گیا ہے۔
پولیس ذرائع کے مطابق منظور پشتین کو رات تقریباً تین بجے تہکال پولیس نے شاہین ٹاؤن سے گرفتار کیا۔ ان پر ضلع ڈیرہ اسماعیل خان میں ایک مقدمہ درج تھا اور اس سلسلے میں وہ مطلوب تھے۔
منظور پشتین کو آج عدالت کے سامنے پیش کر دیا گیا ہے۔
آیف آئی آر کے مطابق منظور پشتین پر الزام ہے کہ انہوں نے جنوری میں ہونے والی ایک تقریب میں کہا تھا کہ پاکستان کے آئین کو نہیں مانتا اور ریاست سے متعلق غلط زبان استعمال کی۔ پی ٹی ایم رہنما کے خلاف درج ہونے والی ایف آئی آر کی کاپی نیا دور نے حاصل کر لی ہے۔
سماجی روابط کی ویب سائٹ ٹوئٹر پر ٹوئٹ کرتے ہوئے ممبر قومی اسمبلی محسن ڈاور نے بتایا کہ پشتون تحفظ موومنٹ کے رہنما منظور پشتین کو پشاور سے ساتھیوں سمیت گرفتار کر لیا گیا ہے۔
انہوں نے مزید کہا کہ ہمیں اپنے جمہوری حقوق مانگنے کی سزا دی جا رہی ہے۔
Last night Manzoor Pashteen was arrested in Tehkaal, Peshawar. This is our punishment for demanding our rights in a peaceful & democratic manner. But Manzoor’s arrest will only strengthen our resolve. We demand the immediate release of Manzoor Pashteen.#ReleaseManzoorPashteen
— Mohsin Dawar (@mjdawar) January 27, 2020
محسن ڈاور نے اپنی ٹوئٹ میں منظور پشتین اور ساتھیوں کی جلد از جلد رہائی کا مطالبہ بھی کیا، ساتھ ہی انہوں نے پی ٹی ایم کے کارکنان سے درخواست کی کہ وہ پر امن رہیں۔
Today updates#PTM chief #ManzoorPashteen has been arrested by peshawar Sharkai police including #IdreesPashteen , #BilalPashteen, #SalamMandokhail , #SalmanPakhtun and #HameedWaziri . Soon we will announce upcoming planning. Inshallah#ReleaseManzoorPashteen
— TODAY PTM (@TODAYPTM) January 27, 2020
It is my request to PTM workers & supporters to remain calm in response to Manzoor’s arrest. We will devise a strategy after consultations. We are up against those who are most troubled by demands for constitutional rights, & we will continue doing that. #ReleaseManzoorPashteen pic.twitter.com/jLS6SqEHze
— Zaheer Usman Khan (@ZaheerUsmanKha1) January 27, 2020
Non-violence resistance is the major pillar of Pashtun Tahafuz Movement. We, Pashtuns, will remain non-violent in the face of the arrest of our movement’s leader @ManzorPashteen. His arrest cannot break our spirit, we will come stronger out of it. #ReleaseManzoorPashteen
— Gulalai_Ismail (@Gulalai_Ismail) January 27, 2020
منظور احمد پشتین بد امنی سے متاثرہ قبائلی علاقے جنوبی وزیرستان کے ایک تعلیم یافتہ گھرانے سے تعلق رکھتے ہیں۔ منظور نے ابتدائی تعلیم اپنے آبائی علاقے میں ہی حاصل کی اور پھر بنوں میں آرمی پبلک سکول میں زیر تعلیم رہے۔ گذشتہ کچھ عرصے سے منظور پشتین قبائلی اضلاع میں پشتونوں کے حقوق کے تحفظ کے لیے سرگرم ہیں اور انسانی حقوق کی خلاف ورزیوں کے خلاف ایک توانا آواز بن چکے ہیں۔
