رابی پیرزادہ نے اپنے ٹوئٹر پیغام میں ان تمام اداکاروں اور گلوکاروں کو جہنم میں جانے کی بددعا دی جنہوں نے شہرت حاصل کرنے کے لیے اپنی ویڈیو لیک کی۔
پیغام میں رابی پیرزادہ کا کہنا تھا کہ لوگ چاہیں جو بھی سوچیں، میں اسلام کی ترویج کا کام جاری رکھوں گی کیوں کہ مجھے جواب اللہ کہ دینا ہے لبرلز کو نہیں۔
Yes, ameen, also all those actresses or singers who leak their videos deliberately to gain fame or more work will go to jahannum. I don’t care what people think. But i WILL spread islam no matter wat. I need to answer Allah not liberals. https://t.co/Lu8NmqE8rI
— Rabi Pirzada (@Rabipirzada) January 28, 2020
یاد رہے کہ رابی پیرزادہ نے حال ہی میں شوبز کو چھوڑ کر دین کی تعلیمات پر عمل اور اسے پھیلانے کے عزم کا اعادہ کیا تھا اور اب انہوں نے عمرے کی سعادت حاصل کی ہے۔
رابی پیرزادہ نے اپنے سوشل میڈیا اکاؤنٹس پر عمرہ ادائیگی کے دوران خانہ کعبہ کی تصاویر پوسٹ کیں۔
رابی نے اپنی ایک تصویر پوسٹ کی اور ساتھ ہی لکھا کہ اپنے عمرے کے بارے میں بتانا چاہتی ہوں، کیونکہ میں سمجھتی ہوں یہ وہ چیز ہے جس پر مجھے فخر ہے، میں نے اپنی ساری انا اور خودپسندی کو ایک طرف رکھا اور مکہ چلی آئی۔
خانہ کعبہ کی ایک اور تصویر پوسٹ کرتے ہوئے انہوں نے لکھاکہ میں مصور ہوں، پینٹنگ بھی کرتی ہوں اور فوٹوگرافی بھی لیکن میں نے دنیا میں اس سے خوبصورت کوئی جگہ نہیں دیکھی جو ایسی دکھتی ہو۔
انہوں نے مزید کہا کہ مجھے ایسا لگتا ہے، میں اللہ کی مہمان ہوں، مجھے وہ ہر جگہ نظر آتا ہے، مجھے نہ میرے گھر والے یاد آتے ہیں نہ گھر اور تصویریں، بس یاد رہتا ہے تو یہ کہ میں اس جگہ اس کے سامنے کھڑی ہوں جس نے مجھے پیدا کیا ہے۔
عمرے کی تصاویر پوسٹ کرنے پر رابی پیرزادہ کو مداحوں کی جانب سے مبارکباد دینے کا سلسلہ جارہی ہے اور کئی سوشل میڈیا صارفین نے نیک تمناؤں کا اظہار کیا ہے۔
