پاکستان نے عالمگیر وبا کرونا وائرس کے ٹیسٹ کے لیے کووڈ-19 ٹیسٹنگ کٹ تیار کر لی، جسے پاکستان ڈرگ ریگولیٹری اتھارٹی نے بھی منظور کر لیا ہے۔
کرونا وائرس ٹیسٹنگ کٹ کے حوالے سے وفاقی وزیر برائے سائنس اور ٹیکنالوجی فواد چوہدری کی جانب سے ایک ٹویٹ کی گئی۔ جس میں بتایا گیا کہ پاکستان کے ایک اور کامیابی حاصل کر ہے، پاکستان ڈرگ ریگولیٹری اتھارٹی نے پاکستان میں بننے والی کرونا وائرس ٹیسٹنگ کٹ کی منظوری دے دی ہے۔
Another landmark achieved…. DRAP has approved Pakistan first COVID testing kit, Congratulations to @Official_NUST and our brilliant scientists …you people have made us proud … this ll bring significant cost reduction of COVID tests also ll save huge import bill
— Ch Fawad Hussain (@fawadchaudhry) June 12, 2020
فواد چوہدری نے اپنے ٹویٹ میں نیشنل انسٹی ٹیوٹ آف سائنس اور ٹیکنالوجی (نسٹ) کو مبارکباد دیتے ہوئے کہا کہ نسٹ اور ہمارے سائنسدانوں کو مبارک ہو، آپ لوگوں نے ہمارا سر فخر سے بلند کر دیا۔
وفاقی وزیر نے کہا کہ پاکستان کی پہلی کووڈ-19 ٹیسٹنگ کٹ کی مدد سے کرونا وائرس کے لیے ہونے والے ٹیسٹ کی لاگت میں نمایاں کمی آئے گی، جس سے ہم درآمدات سے بھی بچ سکیں گے۔
پاکستان میں کرونا وائرس کی صورتحال
پاکستان میں کرونا وائرس کے کیسز میں تیزی سے اضافہ ہو رہا ہے جس کے بعد متاثرہ مریضوں کی تعداد ایک لاکھ 25 ہزار سے تجاوز کر چکی ہے جب کہ اموات کی تعداد 2 ہزار 400 سے زائد ہے۔
