ماہرین اور طبی عملہ مسلسل یہ کہہ رہا ہے کہ کرونا وائرس سے بچنے کا آسان، اولین اور بنیادی طریقہ کار چہرے اور ناک کو ماسک سے ڈھانپنا ہے۔ اس لئے سب ماسک کا استعمال کریں۔
تاہم اب بی ہمارے درمیان ایسے لوگ بھی موجود ہیں جو ماسک نہ پہننے کے بضد ہیں۔ اور اپنی ضد میں اس حد تک جا سکتے ہیں کہ وہ اسکی تقلین کرنے والے کو گولیاں ہی مار دیں۔
اسی حوالے سے اندہوناک خبر آئی ہے سندھ کے شہر سکھر سے جہاں ایک پولیس والے نے ایک ڈاکٹر کو صرف اس لئے گولیاں مار دیں کیوں کہ وہ اسے بار بار ماسک پہننے کا کہہ رہا تھا۔ اور اس معاملے پر دونوں کے درمیان جھگڑا ہوا تھا۔
تفصیلات کے مطابق ملزم پولیس اہلکار نے دو گولیاں چلائیں جو کہ ڈاکٹر کی ٹانگوں پر لگیں۔ کاونٹر ٹیررازم ڈیپاڑٹمنٹ جسے عرف عام میں حساس ادارہ کہا جاتا ہے سے تعلق رکھنے والے پولیس اہلکار نے سکھر کے قومی ادارہ برائے امراض قلب میں ڈاکٹر کو گولیاں ماریں۔ ابھی تک یہ واضح نہیں ہوسکا ہے کہ وہ امراض قلب کے اس ادارے میں کیا کرنے آیا تھا۔
Doctor Shot in Pakistan – CTD policeman shot the Doctor at National Institute of Cardiovascular Diseases, Sukkur. The reason came out that the doctor repeatedly asked the cop to wear a mask, but he didn't and the quarrel led to the doctor being shot in both legs. pic.twitter.com/KyW2HxCurM
— Salman Durrani (@DurraniViews) June 18, 2020
صحافئ سلمان درانی کی جانب سے اس واقعے سے منسوب تصاویر ٹویٹ کی گئیں ہیں جن میں دیکھا جا سکتا ہے کہ مبینہ طور پر مذکورہ ڈاکٹر کی مرہم پٹی کی جا رہی ہے جبکہ کمرے میں ہر جگہ خون بکھرا ہوا ہے۔ دستیاب اطلاعات کے مطابق پولیس اہلکار کو گرفتار کر لیا گیا ہے۔
