اے این پی کے مرکزی رہنما میاں افتخار نے وفاقی وزیر داخلہ برگیڈئیر اعجاز کے بیان پر کہاہے کہ اے این پی کا کہہ کر ن لیگ کو ڈرانے اور سبق سکھانے کی بات کی گئی ہے۔
انہوں نے سوال کیا کہ یہ سب کس کا ایجنڈا ہے؟ انہوں نے کہا کہ انکا دل تمام شہدا کے لیئے غمگین ہوتا ہے لیکن اپنے بیٹے، اپنے بھائی بشیر بلور اور بھائی ہارون بلور سمیت دیگر شہدا کا سنتا ہوں تو دل مزید غم میں مبتلا ہوتا ہے۔
لیکن پھر دیکھتا ہوں کہ ان سب کی قربانیوں کا یوں مذاق اڑایا جا رہا ہے تو دل خون کے آنسو روتا ہے۔ ہمیں جس بات کا کریڈٹ ملنا چاہیئے اسی پر ڈسکریڈٹ کیا جا رہاہے۔
انہوں نے کہا کہ ہمیں بتایا جائے کہ یہ سب کس کا ایجنڈا ہے۔
