امریکی ایوان نمائندگان نے مشترکہ طور پر ڈیموکریٹک پارٹی کے صدارتی امیدوار جو بائیڈن اور ان کی نائب کمالا ہیرس کی انتخابات میں جیت کی توثیق کر دی ہے۔
امریکی میڈیا کے مطابق نینسی پلوسی اور نائب صدر مائیک پنس کی زیر صدارت ہونے والے کانگریس کے اجلاس نے ٹرمپ کے حامیوں کی جانب سے ہنگامہ آرائی سے بھرپور اجلاس نے صدارتی انتخابات میں جو بائیڈن اور کمالا ہیرس کی جیت کی توثیق کی۔
امریکہ کے نائب صدر مائیک پنس کا کہنا تھا کہ جن لوگوں نے کیپیٹل ہل کے باہر ہنگامہ آرائی اور دنگا فساد کیا وہ نہیں جیتے، تشدد کبھی بھی نہیں جیتتا، ہمیشہ آزادی کی جیت ہوتی ہے اور یہ ایوان اب بھی عوام کا ہی ہے۔
امریکی کانگریس کی توثیق کے بعد اب جوبائیڈن کے صدر بننے کے حوالے سے تمام آئینی تقاضے پورے ہو گئے ہیں اور جو بائیڈن 20 جنوری کو امریکا کے 46 ویں صدر کا حلف اٹھائیں گے۔
خیال رہے کہ گزشتہ برس نومبر میں ہونے والے انتخابات میں جوبائیڈن نے 306 اور ڈونلڈ ٹرمپ نے 232 الیکٹورل ووٹس حاصل کیے تھے جبکہ امریکی انتخابات میں کامیابی کے لیے کسی بھی امیدوار کو 270 الیکٹورل ووٹس درکار ہوتے ہیں۔
