دہلی حکومت کے آن لائن ڈیٹا بیس کے مطابق دو تہائی سے زیادہ ہسپتالوں میں خالی بستر نہیں ہیں اور ڈاکٹروں نے مریضوں کو گھر پر ہی رہنے کا مشورہ دیا ہے۔
بھارت کے ہسپتالوں اور شمشان گھاٹ میں جگہ نہ ہونے اور آکسیجن کی قلت کی خبریں منظر عام پر آنے کے بعد پاکستانی شہری و ٹوئٹر صارفین کی جانب سے پڑوسی ملک کی صورتحال پر تشویش کا اظہار کیا جارہا ہے۔
بھارت میں کرونا کی خوفناک صورت حال کے پیش نظر پاکستانیوں نے اپنے ہمسایہ ممالک سے بھرپور یکجہتی اور ہمدردی کا اظہار کیا ہے۔ سوشل میڈیا صارفین کی جانب سے وزیراعظم عمران خان سے اصرار کیا گیا کہ وہ انسانی بنیادوں پر بھارت کے لیے امداد بھیجیں۔ اس ضمن میں پاکستان میں گزشتہ کئی گھنٹوں سے WestandwithIndia #Indianeedoxygen #PakistanwithIndia #WecantBreathe# کے ہیش ٹیگز ٹوئٹر پر ٹاپ ٹرینڈ کر رہے ہیں۔
معروف محقق اور سیاسی سماجی شخصیت ڈاکٹر عمار علی جان نے لکھا کہ pakistanStandwithIndia# دونوں اطراف کی بہترین ترجمانی کرتا ہے۔ ہمیں نفرت اور دشمنی کی بجائے انسانیت اور ہمدردی کو جگہ دینا ہوگی۔ خطے میں قیام امن اور اشتراک کے بغیر حالیہ اور مستقبل کے بحرانوں سے نہیں نمٹا جاسکتا۔
https://twitter.com/ammaralijan/status/1385731910891151362
علی رائٹس نامی ٹوئٹر ہینڈل نے لکھا کہ 'سیاسی اختلافات ایک طرف، ہمیں لازمی طور پر انسانی بنیادوں پر بھارت کی مدد کرنی چاہیے، انسانیت سے بڑا کوئی مذہب نہیں'۔
https://twitter.com/anX_muslim/status/1385478186524368900
صحافی عاصمہ شیرازی نے ٹوئٹ کی کہ ان کا دل پڑوسی ملک کے شہریوں کی حالت زار پر دکھی ہے۔
https://twitter.com/asmashirazi/status/1385518577902628864
دانیال شیخ نے لکھا کہ یہ ایک افسوسناک صورتحال ہے، ہمیں بھارت کے لیے دعا کرنی چاہیے اور اس مشکل وقت میں بھارت کی مدد کرنی چاہیے'۔
https://twitter.com/idaniyalsheikh/status/1385150688276238338
وسیم عباسی نے کہا کہ بھارت میں کورونا وائرس کی سنگین صورتحال کے بعد پاکستان سے اظہارِ یکجہتی کے پیغامات دیکھ کر اچھا لگا۔
https://twitter.com/Wabbasi007/status/1385464708015263746
ڈیجیٹل رائٹس ایکٹیوسٹ اسامہ خلجی نے کہا کہ 'میں ہزاروں پاکستانی شہریوں کی جانب سے حکومت سے بھارت کی مدد کا مطالبہ کرتا ہوں'۔
انہوں نے مزید لکھا کہ پاکستان میں 'IndiaNeedsOxugen' اور 'IndianLivesMatter' کے ٹاپ ٹرینڈز دیکھ کر خوشی ہوئی۔
https://twitter.com/UsamaKhilji/status/1385359934313877504
دوسری جانب معروفی سماجی رہنما عبدالستار ایدھی کے بیٹے اور ایدھی فاؤنڈیشن کے چیئرمین فیصل ایدھی نے بھارتی وزیر اعظم نریندر مودی کے نام خط میں کورونا سے پیدا ہونے والے بحران پر تشویش کا اظہار کرتے ہوئے انہیں مدد کی پیشکش کی ہے۔
انہوں نے بھارتی وزیر اعظم کو 50 ایمبولینس اور رضاکاروں کی ٹیم بھارت بھیجنے کی پیشکش کرتے ہوئے کہا کہ وہ خود رضاکاروں کی ٹیم کی قیادت کرنے کے لیے تیار ہیں۔
جس کے بعد ٹوئٹر پر 'FaisalEdhi' کا ٹرینڈ چل رہا ہے اور فیصل ایدھی کے اس اقدام کو سراہا جارہا ہے۔
سوشل میڈیا صارف شازیہ محمود نے کہا کہ 'انسانیت سب سے اہم ہے'۔
https://twitter.com/shaziyaaM/status/1385541847762751492