پاکستان تحریک انصاف سے تعلق رکھنے والے پنجاب کے صوبائی وزیر حسنین بہادر دریشک نے پریس کانفرنس کرتے ہوئے شکوہ کیا ہے کہ ان کی ہی پارٹی کے رہنما سینیٹر فیصل واوڈا کو ابھی تک جوتے کیوں نہیں پڑے۔
لاہور میں دیگر صوبائی وزراء کے ساتھ پریس کانفرنس کرتے ہوئے حسنین دریشک نے کہا کہ جہانگیر ترین صاحب کے گروپ سے پنجاب حکومت کو کوئی خطرہ نہیں ہے۔ عثمان بزدار صاحب وزیر اعلیٰ ہیں ، اللہ نے انہیں بطور وزیر اعلیٰ پنجاب عزت دی ہے اور جب تک اس نے چاہا وہ اس عہدے پر رہیں گے ۔ یہ چیزیں بہت عارضی ہوتی ہیں اور اقتدار ہمیشہ نہیں رہتا بلکہ عارضی ہے۔
تاہم ایک بات وہ ضرور کرنا چاہتے ہیں کہ عمران خان کو اگر کسی سے خطرہ ہے تو وہ فیصل واوڈا جیسے فضول اور گھٹیا انسانوں سے ہے جسے جوتے پڑنے چاہیئں اور میں حیران ہوں کہ اسے ابھی تک جوتے کیوں نہیں پڑے۔ انہوں نے کہا کہ فیصل واوڈا ایک ایسا بندہ ہے جو عمران خان کی کشتی ڈبونے پر تلا ہوا ہے۔
حسنین دریشک کے جذباتی الفاظ کی پریس کانفرنس میں بیٹھے چند ارکان نے تائید بھی کی تاہم دیگر صوبائی وزراء نے انہیں اس پر مزید بات کرنے سے روک دیا۔
“فیصل واڈا کو ابھی تک جوتے کیوں نہیں پڑے؟”
پنجاب کابینہ کے وزیر لائیو اسٹاک حسنین بہادر دریشک pic.twitter.com/wjZfnSTSIQ
— Mansoor Ali Khan (@_Mansoor_Ali) May 20, 2021
