پارلیمانی حلقوں میں نئی بحث شروع ہوگئی کہ عبدالقیوم نیازی کیسے وزیراعظم آزاد کشمیر منتخب ہوگئے۔
نومنتخب وزیراعظم آزاد کشمیر قیوم نیازی اس عہدے کے امیدواران میں ہی شامل نہیں تھے اور انہیں کسی رسمی انٹرویو میں بھی نہیں بلایا گیا تھا، کیونکہ بطور امیدوار سردار تنویر الیاس، بیرسٹر سلطان، خواجہ فاروق اور اظہر صادق کا انٹرویو ہوا تھا۔
ایکسپریس نیوز کے ذرائع کے مطابق قیوم نیازی کی بطور وزیراعظم نامزدگی میں دعاوٴں کا اثر زیادہ ہوا، استخارہ اور زائچہ میں ضلع پونچھ کا نام آیا جس پر فیصلہ ہوا، وزیراعظم نے امیدواروں اور پارٹی سیاست کو دیکھتے ہوئے روحانی طریقہ کار کے مطابق فیصلہ کیا، وزیراعظم آزاد کشمیر کی نامزدگی پر انتہائی راز داری سے مشاورت ہوئی اور وزیراعظم عمران خان کے قریبی حلقوں سے مشاورت کے بعد قرعہ ضلع پونچھ کے نام نکلا جس کے باعث ضلع پونچھ کی 7 نشستوں میں حلقہ ایل اے 18 پر اتفاق کیا گیا۔
ع سے عمران
ع سے عارف علوی
ع سے عثمان بزدار
ع سے عبدالقیوم نیازی
آزاد کشمیر میں عبدالقیوم نیازی کا استخارہ نکل آیا۔۔۔۔۔۔۔!
Via @DrAli922— Rab Nawaz Baloch (@RabNBaloch) August 4, 2021
نومنتخب وزیراعظم قیوم نیازی سے وزیراعظم عمران خان کی عباس پور جلسہ سے پہلے جان پہچان نہیں تھی، جس کا اندازہ اس بات سے لگایا جاسکتا ہے کہ وزیراعظم عمران خان نے قیوم نیازی کے نام پر بھی دوران جلسہ ہی تعجب کا اظہار کیا تھا۔
جب آزادکشمیر الیکشن کمپئن کے دوران آزادکشمیر کے لیے نامزد وزیراعظم کا نام پڑھ کر عمران خان نے سوال کیا کہ ’نیازی یہاں کیسے آ گیا یہ میں بڑا حیران ہوں' pic.twitter.com/tnN3cBwGDV
— NayaDaur Urdu (@nayadaurpk_urdu) August 4, 2021
