فہد حسین نے کہا ہے کہ اپوزیشن جماعتوں کے درمیان ان ہائوس تبدیلی کی پلاننگز کے ساتھ ساتھ انتخابی اصلاحات پر بھی باتیں ہونے لگیں۔ آنے والے دنوں کا خاکہ کیا تیار کیا جا رہا ہے۔
ڈان نیوز کے پروگرام ”ان فوکس” میں گفتگو کرتے ہوئے فہد حسین نے کہا کہ الیکشن کے حوالے سے تمام سٹیک فولڈرز کو یہ احساس ہو رہا ہے کہ اگر آئندہ الیکشن ٹھیک نہ ہوئے تو ہمارے لئے بڑا مسئلہ ہو جائے گا۔
ان کا کہنا تھا کہ سیاسی جماعتوں میں یہ بات بھی ہو رہی ہے کہ اگر کوئی ان ہائوس تبدیلی ہوتی ہے تو اس کے بعد انتخابی اصلاحات کا سلسلہ ضروری ہے۔ اس وقت اپوزیشن کے درمیان جو بحث ہو رہی ہے اس میں یہ نکتہ بڑا اہم ہے۔
ان ہاوس تبدیلی کی پلاننگز کے ساتھ ساتھ انتخابی اصلاحات پر بھی باتیں ہونے لگیں۔۔آنے والے دنوں کا خاکہ کیا تیار کیا جا رہا ہے، سنئے فہد حسین کی زبانی
Infocus with @Fahdhusain & @waqasali012
To Watch full episode click herehttps://t.co/jhRcC2x6hx pic.twitter.com/EyQNwtp293— Waqas Ali (@waqasali012) December 26, 2021
فہد حسین کا کہنا تھا کہ اپوزیشن جماعتوں کے درمیان اتفاق رائے موجود ہے کہ اگر ان ہائوس تبدیلی کے بعد نیا سیٹ اپ آتا ہے تو وہ الیکشن سے قبل ایسی اصلاحات کرے جن کی بنیاد پر آئندہ انتخابات کا انعقاد صاف اور شفاف طریقے سے کرایا جا سکے تاکہ تمام سٹیک ہولڈرز کو اس پر اعتماد ہو۔
انہوں نے کہا اپوزیشن جماعتیں ویسے ہی الیکٹرک ووٹنگ مشینوں پر الیکشن کرانے سے انکار کر چکی ہے تاہم اگر انتخابات جلد کرانا مقصود ہوا تو ویسے ہی ان کے ذریعے ناممکن ہو جائے گا۔
