مری میں ہونے والی حالیہ برفباری میں جہاں متعدد افراد گاڑیوں میں بیٹھے ہی لقمہ اجل بن گئے وہیں ایک ویڈیو سوشل میڈیا پر وائرل ہو گئی جس میں ایک بچی کو برف میں دب جانے کے بعد کافی کوششوں کے بعد زندہ نکال لیا گیا ہے۔
اس ویڈیو کے سامنے آنے پر بہت سے صارفین اس ویڈیو کو دھڑا دھڑ سوشل میڈیا پر شئیر کرتے رہے اور بچی کو مری میں ہونے والی برفباری میں معجزانہ طور پر بچائے جانے کا بھی ذکر کرتے رہے تاہم حقیقت یہ ہے کہ یہ ویڈیو مری کی نہیں بلکہ یوں کہہ لیجیے کے یہ پاکستان ہی کی نہیں ہے۔
مذکورہ ویڈیو بھارت کے زیر قبضہ جموں و کشمیر کے علاقے کی ہے جہاں شدید برفباری کے باعث ایک بچی کئی گھنٹے تک بے سدھ بے یارومددگار برف میں دبی رہی جسے مقامی لوگوں نے اپنی مدد آپ کے تحت برف سے نکال لیا تھا۔ تاہم یہ ویڈیو بھی 2 دن قبل کی ہے، اور اسی دوران مری میں بھی برفباری کی تباہ کاریاں جاری تھیں۔
بھارتی میڈیا نے بھی اس واقعے کو رپورٹ کیا تھا جس میں بتایا گیا کہ یہ ویڈیو جموں کشمیر کے ضلع پونچھ کی ہے۔ اس ویڈیو میں دیکھا جاسکتا ہے کہ پہلے لڑکی کا دوپٹا نکالا گیا اور پھر برف ہٹا کر خوش قسمت لڑکی کو باہر نکالا گیا۔
اس ویڈیو کو نجی میڈیا ہاؤس جیو و دیگر چینلز کی جانب سے بھی رپورٹ کیا گیا جو کہ حقیقت نہیں ہے جیو نے اس پر کہا کہ مقامی رضاکاروں کو برف کے کئی فٹ نیچے دھنسی ایک لڑکی ملی جسے انہوں نے زندہ نکال لیا۔
دوسری جانب سینئر صحافیوں اور سوشل میڈیا صارفین نے اسے مری کی ویڈیو قرار دیتے ہوئے شئیر کیا۔
ایک سیاح بچی کی زندگی بچانے والے مری کے ان انسانیت دوست باسیوں کو سلام۔۔۔۔۔ان جیسے لوگ اس قوم کے اصل ہیرو ہیں۔ اللہ انہیں اجرعظیم سے نوازے۔ https://t.co/apA03cchKa
— Saleem Safi (@SaleemKhanSafi) January 9, 2022
A young girl in #Murree was covered in snow & was taken to the hospital by locals.
Witness accounts suggest that people had been stuck for over 20 hours before the government took notice or sent any help.#murreetragedy #MurreeDeaths #MurreeAlert #MurreeIncident #MurreeSnowfall pic.twitter.com/a0kv5u2O1A
— Hamza Azhar Salam (@HamzaAzhrSalam) January 9, 2022
سانحہ #Murree میں شدیدبرفانی طوفان #Snowstorm کی گزشتہ25 سال میں کوئی نظیر نہیں ملتی۔
بہت تھوڑےوقت میں برف کالیول بڑھ گیا۔
جہاں کاروباری لوگوں کی ناجائز منافع خوری کی شکایات ہیں وہاں پرمقامی لوگوں کی زندگیاں بچانےاورمہمان نوازی کی لاتعداد مثالوں کونہ سراہنا سراسر ناانصافی ہے۔ pic.twitter.com/zH58GuG05v
— Sadaqat Ali Abbasi (@Sadaqat_Ali) January 10, 2022
