گزشتہ روز پی ایس ایل کے فائنل کے لیے لاہور کا قذافی اسٹیڈیم شائقین سے کھچا کھچ بھرا ہوا تھا کرکے سے لطف اندوز ہوتے شائقین نے گو نیازی گو کے نعرے بھی لگا دیے۔
پاکستان سپر لیگ کے ساتویں ایڈیشن کا فائنل گزشتہ روز کھیلا گیا تھا جس میں لاہور قلندرز نے شاندار کارکردگی دکھاتے ہوئے پہلی بار ٹائٹل اپنے نام کیا۔
گزشتہ روز ایچ بی ایل پی ایس ایل کے فائنل کے لیے لاہور کا قذافی اسٹیڈیم شائقین سے کھچا کھچ بھرا ہوا تھا اور عوام کرکٹ کے ساتھ ساتھ دیگر دلچسپ نعروں سے بھی میچ کو انجوائے کر رہے تھے۔
ایسی ہی ایک ویڈیو مسلم لیگ ن کی رہنما اور ممبر صوبائی اسمبلی مائزہ حمید گجر نے بھی سوشل میڈیا پر شیئر کی ہے جس کے ساتھ انہوں نے ایک کیپشن بھی تحریر کیا ہے۔۔
مائزہ حمید گجر کی جانب سے شیئر کی گئی ویڈیو کے کیپشن میں لکھا تھا کہ لاہور نے پی ایس ایل فائنل میں اپنا فیصلہ سنا دیا، ’گو عمران گو‘۔
مسلم لیگ ن کی رہنما کی جانب سے شیئر کی گئی ویڈیو میں میچ دیکھنے کے لیے اسٹیڈیم میں موجود تماشائیوں کو وزیراعظم عمران خان کے خلاف نعرے لگاتے سنا جا سکتا ہے۔
لاہور نے پی ایس ایل فائنل میں اپنا فیصلہ سنا دیا.. گو عمران گو#PSLFinal #LahoreQalandars #Lahore pic.twitter.com/K0TUSfljE6
— Maiza Hameed Gujjar (@MaizaHameedMNA) February 27, 2022
