پاکستانیوں کی سلامتی کا بہترین طریقہ روس کو جنگ سے روکنا ہے، یوکرینی وزیر خارجہ کی شاہ محمود سے گفتگو

وزیر خارجہ شاہ محمود قریشی اور یوکرینی وزیر خارجہ دمتروکولبا کے درمیان ٹیلیفونک رابطہ ہوا ہے۔

یوکرینی وزیر خارجہ کا اپنی ٹوئٹ میں کہنا تھاکہ شاہ محمود قریشی سے بات ہوئی ہے، پاکستان یوکرین میں امن کیلئے عالمی تنظیموں کے اقدامات کی حمایت کرتا ہے۔

Call with Pakistani FM Shah Mahmood Qureshi. Pakistan supports steps in international organizations aimed at restoring peace in Ukraine. Discussed safety of Pakistani students. I stressed: the best way to guarantee their security is to force Putin to stop his war against Ukraine.

— Dmytro Kuleba (@DmytroKuleba) February 27, 2022

انہوں نے کہا کہ وزیرخارجہ پاکستان سے پاکستانی طلبہ کی حفاظت پربات ہوئی اور میں نے کہا ہے کہ پاکستانیوں کی سلامتی کا بہترین طریقہ یہ ہےکہ پیوٹن کو جنگ روکنے پر مجبور کیا جائے۔

دوسری جانب ترجمان دفتر خارجہ کا کہنا تھاکہ وزیر خارجہ شاہ محمود قریشی کا یوکرین کےہم منصب سے ٹیلیفونک رابطہ ہوا ہے جس میں دونوں وزرائےخارجہ نے موجودہ صورتحال سے متعلق رابطے میں رہنے پر اتفاق کیا۔

ترجمان دفتر خارجہ کے مطابق شاہ محمود قریشی نے کشیدگی میں کمی کیلئےسفارت کاری کی ضرورت پر زور دیا۔

ترجمان نے بتایا کہ وزیرخارجہ نے پاکستانی کمیونٹی، بالخصوص طلبہ کے انخلا کا معاملہ بھی اٹھایا اور کہا کہ انخلاءکے عمل میں یوکرینی حکام کے مثبت کردار کو سراہتے ہیں۔

شاہ محمود قریشی کا کہنا تھاکہ تنازعات میں شدت کسی کے مفاد میں نہیں، ترقی پذیر ممالک تنازعات کےباعث معاشی طور پرزیادہ متاثرہوتے ہیں، پاکستان تنازعات کو مذاکرات،سفارتکاری کےذریعے حل کرنےکا خواہاں ہے۔
،