مسلم لیگ ن کی نائب صدر مریم نواز شریف نے وزیراعظم عمران خان کو سخت تنقید کا نشانہ بناتے ہوئے کہا ہے کہ ہزارہ برادری کے مظلوموں کی آہیں آج ان کا پیچھا کر رہی ہیں۔
سماجی رابطوں کی ویب سائٹ ٹویٹر پر جاری پیغام میں مریم نواز شریف نے لکھا کہ آج مجھے وہ الفاظ یاد آ رہے ہیں جو آپ نے ہزارہ برادری کو کہے تھے جو اپنے پیاروں کی لاشیں اپنے سامنے رکھ کر سردی میں دھرنا دیے بیٹھے تھے اور آپ کو پکار رہے تھے! ”میں بلیک میل نہیں ہوں گا!“ مظلوموں کی وہ آہیں اب آپ کا پیچھا کر رہی ہیں!
https://twitter.com/MaryamNSharif/status/1502645370551246848?s=20&t=fGNoPGz4CxT41Z1o2FuI6g
مریم نواز نے لکھا کہ ایسی حکومت کا کیا فائدہ جس میں اپنے ہی اراکین کو نااہلی اور گھیرائو کی دھمکیاں دے کر زبردستی ساتھ رکھنے کی سر توڑ کوششوں کے باوجود ناکامی کا سامنا کرنا پڑ رہا ہو اور جہاں اتحادیوں کے سامنے گھٹنے ٹیکنے کے بعد بھی آپ پسپا ہو رہےہوں؟ یہ حکومت نہیں ذلت ہے، شرمندگی ہے!
https://twitter.com/MaryamNSharif/status/1502645973276893188?s=20&t=fGNoPGz4CxT41Z1o2FuI6g
اپنی ایک ٹویٹ میں انہوں نے وزیراعظم عمران خان کو ٹیگ کرتے ہوئے لکھا کہ اے طائرِ لاہوتی! اس رزق سے موت اچھی، جس رزق سے آتی ہو پرواز میں کوتاہی! مگر یہ عزت والے انسان کے لیے ہے، آپ کے لیے نہیں۔
https://twitter.com/MaryamNSharif/status/1502652780741337093?s=20&t=fGNoPGz4CxT41Z1o2FuI6g
