کراچی میں دھماکا، کئی گاڑیاں تباہ، ایک شخص جاں بحق، متعدد زخمی

کراچی کے علاقے صدر میں دھماکے سے ایک شخص جاں بحق جبکہ متعدد زخمی ہو گئے ہیں۔ دہشتگردوں نے کوسٹ گارڈ کی گاڑی کو نشانہ بنایا۔ سیکیورٹی فورسز نے علاقے کو گھیرے میں لے کر تفتیش شروع کر دی۔

ڈی آئی جی ساؤتھ کے مطابق دھماکےمیں ایک شخص جاں بحق ہوا ہے جبکہ 13 افراد کے زخمی ہونے کی اطلاعات ہیں۔ زخمیوں کو جناح اسپتال منتقل کیا گیا ہے۔

https://twitter.com/Jaffar_Journo/status/1524821296806232066?s=20&t=b33Rrdk4J-KoRgZT18HX_A

اطلاع ملتے ہی پولیس اور رینجرز کی بھاری نفری موقع پر پہنچ گئی اور علاقے کا گھیراؤ کر لیا گیا ہے۔ پولیس کے مطابق بم ڈسپوزل اسکواڈ کو بھی موقع پر طلب کرلیا گیا ہے۔

دھماکے سے قریبی ہوٹلز اور رہائشی عمارتوں کے شیشے ٹوٹ گئے۔ ایدھی فاؤنڈیشن کے ترجمان کے مطابق کئی زخمیوں کو جائے وقوع سے ان کی گاڑیوں اور عملے نے اٹھایا ہے اور جناح اسپتال منتقل کیا ہے۔

https://twitter.com/syedadeelahsan/status/1524818993047121922?s=20&t=b33Rrdk4J-KoRgZT18HX_A

پولیس کے مطابق دھماکا ایک کچرا کنڈی میں ہوا جس سے وہاں آگ لگ گئی اور  آس پاس کھڑی ہوئی کئی گاڑیاں تباہ ہو گئیں۔

پولیس کے مطابق دھماکا مرشد بازار کے قریب ایک بیکری اور ہوٹل کے باہر ہوا جہاں رات کے اس پہر کافی چہل پہل ہوتی ہے۔ عینی شاہدین کا کہنا ہے کہ کوسٹ گارڈز کی گاڑی کے قریب دھماکا ہوا تاہم اس کی تصدیق نہیں ہوئی ہے۔

https://twitter.com/SaifAza69390381/status/1524819724554616837?s=20&t=b33Rrdk4J-KoRgZT18HX_A

قانون نافذ کرنے والے علاقے جائے وقوع پر پہنچ گئے ہیں دھماکے کی نوعیت جاننے کیلئے تحقیقات جاری ہیں۔ اسپتال ذرائع کے مطابق جاں بحق شخص کے جسم پر بال بیئرنگ کے زخم ملے ہیں جس سے یہ بات ثابت ہوتی ہے کہ یہ بم دھماکا تھا جس میں بال بیئرنگز استعمال کیے گئے۔