مسلم لیگ ن کی نائب صدر مریم نواز شریف نے کہا ہے کہ اے آر وائی نے نا صرف ییلو بلکہ گٹر جرنلزم کی تمام حدیں پار کر دی ہیں۔ یہ ادارہ پی ٹی آئی کا مائوتھ پیش بن چکا ہے۔
سماجی رابطوں کی ویب سائٹ ٹویٹر پر مریم نواز نے اے آر وائی پر شدید تنقید کرتے ہوئے کہا کہ انہیں صحافت چھوڑ کر پی ٹی آئی میں شمولیت پر غور کرنا چاہیے۔ پی ایم ایل این سمگلروں عرف اے آر وائی کا بائیکاٹ کرے اور ان کا مکروہ چہرہ بے نقاب کرے۔
ARY has crossed all limits of not only yellow but gutter journalism. It has become a mouthpiece of PTI. They should consider quitting journalism & formally joining PTI. PMLN should boycott the smugglers aka ARY & expose their ugly face.
— Maryam Nawaz Sharif (@MaryamNSharif) May 18, 2022
واضح رہے کہ عمران اسماعیل نے شہباز شریف سے متعلق ٹویٹ کیا جس کی خبر چلانے پر مریم نواز چراغ پا ہو گئیں۔ انہوں نے شہباز شریف سے متعلق خبر چلانے پر کہا تھا کہ عمران خان اور اے آر وائی سے کسی فتنے کی طرح نمٹنا چاہیے۔ ان کا کہنا تھا کہ پیمرا اور حکومت کو فوری اے آر وائی کے خلاف کارروائی کرنی چاہیے۔‘
عمران اسماعیل نے ٹویٹ میں لکھا تھا کہ ’ملک دیوالیہ ہوگیا لیکن شہباز شریف سوئمنگ پول بنا رہے ہیں وزیراعظم ہاؤس میں سوئمنگ پول کی مرمت پر ساڑھے 7 کروڑ خرچ کر دیے۔‘
شہبازکی شوبازیاں صرف اپنی عیاشیوں اور نوازشات تک محدود ہیں حکومت میں آئےایک مہینہ نہیں ہواساڑھے7کروڑ کی رقم سے وزیراعظم ہاؤس کاسوئمنگ پول مرمت کروالیا ملک دیوالیہ ہونے کےقریب اورمعیشت کا بیڑہ غرق کرکے عوام کو اضطراب میں مبتلاکرکےامپورٹڈ بمعہ خاندان عوام کےپیسوں پرعیاشیاں کررہےہیں pic.twitter.com/zAfSvus9j9
— Imran Ismail (@ImranIsmailPTI) May 17, 2022
سابق گورنر سندھ عمران اسماعیل نے اے آر وائی نیوز سے گفتگو کرتے ہوئے کہا تھا کہ میں’اپنی خبر پر قائم ہوں ویڈیو بھی شیئر کرسکتا ہوں ن لیگ دھونس دھاندلی کی سیاست کررہی ہے۔
ایک اور ٹویٹ میں عمران اسماعیل کا کہنا تھا کہ ’گرتی معیشت کو سنبھالنا اس امپورٹڈ حکومت کا کام نہیں، ڈالر 200تک پہنچ گیا اسٹاک ایکسچینج کریش کر رہا ہے۔ سابق گورنرسندھ نے مزید کہا کہ ’ملکی معیشت میں بے یقینی کی صورتحال ہے سنجیدہ صورتحال سے ملک کو نکالنے کا الیکشن ہی واحد راستہ ہے ورنہ یہ چوروں کی حکومت ملک کو دیوالیہ کردے گی۔‘
گرتی معیشت کو سنبھالنا اس امپورٹیڈ حکومت کا کام نہیں ہے- ڈالر ۲۰۰ تک پہنچ گیا ہے- سٹاک ایکسچنج کریش کر رہا ہے- بے یقینی کی صورتحال ہے- اس سنجیدہ صورتحال سے ملک کو نکالنے کاالیکشن ہی واحد راستہ ہے- یہ چوروں کی حکومت ملک کو دیوالیہ کر دے گی- #امپورٹڈ_حکومت_نامنظور
— Imran Ismail (@ImranIsmailPTI) May 17, 2022
