کراچی میں ایک چھ سالہ افغان بچی کو جنسی زیادتی کا نشانہ بنانے کے بعد بے دردری سے قتل کر دیا گیا۔ بچی کی لاش ایک ویران گھر سے برآمد ہوئی ہے۔ ذرائع کے مطابق علاقے میں گزشتہ چند روز میں اسی نوعیت کا پیش آنے والا یہ تیسرا واقعہ ہے۔
مقامی افراد کے مطابق ایک چھ سالہ افغان بچی اپنے گھر کے باہر سے لاپتہ ہو گئی تھی۔ گھر والوں نے ڈھونڈنے کی بہت کوشش کی مگر وہ نہیں ملی۔ بعد میں افغان پولیس چیک پوسٹ کے علاقے کے ایک ویران گھر سے بچی کی لاش برآمد ہوئی۔
پولیس نے لاش کو قبضے میں لے کر پوسٹ مارٹم کے لیے عباسی شہید ہسپتال منتقل کر دیا۔ لواحقین نے انصاف کی اپیل کرتے ہوئے مجرموں کو عبرت ناک سزا دینے کا مطالبہ کیا ہے۔
