کرکٹ کے میدان میں اپنی تیز رفتار اور گھومتی گیندوں سے دھوم مچانے والے قومی ہیرو اپنے تیکھے اور تُند و تیز تجزیوں کی بدولت یوٹیوب پر بھی چھا گئے۔ قومی کرکٹ ٹیم کے سابق فاسٹ باؤلر شعیب اختر نے یوٹیوب پر 10 لاکھ سبسکرائبرز حاصل کر کے یوٹیوب کا گولڈن بٹن حاصل کر لیا۔
شعیب اختر نے اپنی اس کامیابی کا اعلان سماجی رابطوں کی ویب سائٹ ٹویٹر پر کیا، اپنی ٹویٹ میں انہوں نے لکھا کہ ان تمام لوگوں کا شکریہ ادا کرتا ہوں جن کی وجہ سے مجھے یوٹیوب کی جانب سے گولڈن بٹن ملا، آپ تمام لوگوں کے لیے بہت سارا پیار۔
Thank you so much everyone for helping me reach there. The official plaque from YouTube. Lots of love. #Youtube #plaque #millionsubscribers pic.twitter.com/lK8m6Hx0TM
— Shoaib Akhtar (@shoaib100mph) July 19, 2019
انہوں نے کہا کہ نا صرف پاکستان بلکہ دنیا کے دیگر ممالک میں موجود ہر اس مداح کا شکریہ جو مجھے پسند کرتا ہے۔ شعیب اختر نے اس موقع پر یوٹیوب پر ویڈیو بھی پوسٹ کی جس میں انہیں اس گولڈن بٹن کے ساتھ دیکھا جاسکتا ہے۔
یاد رہے کہ سابق فاسٹ بولر شعیب اختر نے چند ماہ قبل ہی اپنا یوٹیوب چینل بنایا تھا جس نے روزانہ کی بنیاد پر تیزی سے سبسکرائبر بڑھنے کے حوالے سے سب سے آگے پیوڈی پائے کے چینل کو بھی پیچھے چھوڑا دیا تھا۔
