سوشل میڈیا پر وائرل اس فوٹو شوٹ میں شعیب ملک اور عائشہ عمر کی سوئمنگ پول کے اندر انتہائی بولڈ انداز میں تصاویر منظر عام پر آئی ہیں۔
View this post on Instagram
لوگ اس فوٹو شوٹ پر عائشہ عمر اور شعیب ملک کی جوڑی کو خوب پسند کر رہے ہیں تو وہیں بعض اسے اسلامی اقدار کیخلاف قرار دے رہے ہیں۔
ان تصاویر میں شعیب اور عائشہ کے درمیان کیمسٹری دیکھنے والے بھانپ رہے ہیں۔ سوشل میڈیا پر چہ مگوئیاں شروع ہو چکی ہیں کہ تصویریں بولتی ہیں۔ دونوں لاکھ چھپائیں لیکن دال میں کچھ کالا ضرور ہے۔
View this post on Instagram
تاہم عائشہ عمر نے ان تمام قیاس آرائیوں کو منہ توڑ جواب دے کر سب کے منہ بند کرا دیئے ہیں۔ ایک صارف نے لکھا کہ کیا آپ دونوں کا شادی کا پروگرام ہے۔ اس کا جواب دیتے ہوئے عائشہ نے لکھا کہ جی بالکل نہیں، ان کی شادی ہو چکی ہے اور وہ اپنی بیوی کیساتھ بہت خوش ہیں۔
اداکارہ نے لکھا کہ میں شعیب ملک اور ان کی اہلیہ ثانیہ مرزا کی بے حد عزت کرتی ہوں۔ میں اور شعیب صرف اچھے دوست اور خیر خواہ ہیں۔ ہم ایک دوسرے کی بہت عزت کرتے ہیں۔ ایسے رشتے بھی ہوتے ہیں دنیا میں لوگوں کے۔
View this post on Instagram
خیال رہے کہ سکاٹ لینڈ کیخلاف صرف اٹھارہ گیندوں پر چھ چھکوں اور ایک چوکے کی مدد سے نصف سنچری سکور کرنے والے آل راؤنڈر شعیب ملک کی اننگز کے بعد اداکارہ عائشہ عمر نے ان کے ساتھ فوٹو شوٹ کی پرانی تصاویر شیئر کیں تو صارفین کی جانب سے مختلف قسم کے تبصروں کا اظہار کیا جانے لگا ہے۔