عامر خان نے یہ اعلان ٹویٹر پر جاری اپنے پیغام میں کیا۔ ان کا کہنا تھا کیہ میں اپنے 27 سالہ باکسنگ کیرئیر پر فخر کرتا ہوں۔ میں اس تمام عرصے میں سپورٹ کرنے پر اپنی فیملی، دوستوں اور مداحوں کا شکر گزار ہوں۔
انہوں نے اپنی ٹویٹ میں اپنے کیرئیر کی چند فوٹوز بھی شیئر کیں۔ خیال رہے کہ باکسر عامر خان نے اپنے باکسنگ کیرئیر میں چونتیس مقابلے جیتے جبکہ 6 میں ان کو شکست کا سامنا کرنا پڑا تھا۔
باکسر عامر خان ناصرف برطانیہ بلکہ پاکستان سمیت پوری دنیا میں مشہور ہیں۔ انہوں نے سماجی کاموں کے ذریعے بھی اپنا نام بنایا۔ گذشتہ ماہ اپریل میں انہوں نے مظلوم فلسطینیوں کیلئے خطیر رقم دینے کا اعلان کرتے ہوئے تمام مسلمانوں کے دل جیت لئے تھے۔
It’s time to hang up my gloves.
I feel blessed to have had such an amazing career that has spanned over 27 years.
I want to say a heartfelt thanks and to the incredible teams I have worked with and to my family, friends and fans for the love and support they have shown me. pic.twitter.com/VTk0oxVjp2— Amir Khan (@amirkingkhan) May 13, 2022
انہوں نے ٹویٹر پیغام کے ذریعے 50 ہزار پاؤنڈ عطیہ دینے کا اعلان کیا ہے اور اس مہم میں شامل ہونے والے اور لوگوں کی حوصلہ افزائی بھی کی۔ ان کا کہنا تھا کہ فلسطین کے حالات پریشان کن ہیں۔ فلسطینیوں کے ساتھ مسلسل بدسلوکی اور انہیں اذیتیں دی جا رہی ہیں۔ میری دعائیں فلسطین کے لوگوں کے ساتھ ہیں۔
عامر خان کا آخری باکسنگ مقابلہ رواں سال پرانے حریف اور برطانوی باکسر کیل بروک سے ہوا تھا جس میں ان کو شکست سے دوچار ہونا پڑا تھا۔ مانچسٹر میں ہونے والی ویلٹر ویٹ فائیٹ میں کیل بروک نے عامر خان کو چھٹے ہی راؤنڈ میں ناک آؤٹ کر دیا تھا۔
بارہ راؤنڈز پر مشتمل یہ مقابلہ چھٹے ہی راؤنڈ میں اس وقت ختم ہو گیا جب عامر خان اپنا دفاع کرنے میں مسلسل ناکام رہے اور ریفری وکٹر لوگلین نے آگے بڑھ کر اسے ختم ہونے کا اشارہ کیا۔
IT’S VERY UPSETTING TO SEE WHAT IS HAPPENING IN PALESTINE, WHO ARE BEING CONSISTENTLY ABUSED & TORMENTED. MY PRAYERS ARE WITH THE PEOPLE OF PALESTINE. THEREFORE I AM PLEDGING £50.000 TOWARDS THE CAUSE & ENCOURAGE EVERYONE TO GET BEHIND THIS CAMPAIGN #PrayforPalestine 🇵🇸 pic.twitter.com/gu5b9BQc9r
— Amir Khan (@amirkingkhan) April 18, 2022
واضح رہے کہ دونوں باکسرز کے درمیان طویل تاخیر کے بعد ہونے والے اس مقابلے پر دنیا بھر سے شائقین کی نظریں جمی تھیں۔ اس فائٹ کے ٹکٹ 10 جنوری کو فروخت کے لئے پیش کیے گئے تھے اور صرف چند منٹ میں ہی ہزاروں ٹکٹ فروخت ہو گئے تھے۔
یاد رہے کہ 35 برس کے عامر خان اور کیل بروک دونوں نے 17 برس کی عمر میں سنہ 2004 میں باکسنگ رنگ میں ایک ساتھ قدم رکھا تھا۔
یہ عامر خان کا چالیسواں پروفیشنل مقابلہ تھا اور اس سے قبل وہ 35 مقابلوں میں کامیاب جبکہ صرف چار میں ناکام رہے جبکہ انھوں نے 21 مقابلوں میں اپنے حریفوں کو ناک آؤٹ کیا۔ عامر خان کے پاس کامن ویلتھ لائٹ ویٹ چیمپیئن ہونے کے ساتھ ساتھ ڈبلیو بی اے کا لائٹ ویلٹر ویٹ ٹائٹل بھی ہے۔
دوسری جانب کیل بروک کی یہ چالیسویں فتح تھی اور وہ اب تک صرف تین مقابلے ہارے ہیں جبکہ انھوں نے 27 مرتبہ ناک آؤٹ کی بنیاد پر کامیابی حاصل کی۔
