خاتون کے مطابق یہ معاملہ جب اس نے ڈی پی او تک پہنچایا جو کہ ضلعے کا سب سے بڑا پولیس افسر ہوتا ہے تو اس کو انہوں نے سمجھایا کہ تم میری بھانجی ہو، تمہیں انصاف مل جائے گا، بس تم ایف آئی آر میں سے یہ الزامات واپس لے لو، انہوں نے مجھے انصاف نہیں دیا۔
یہ خاتون اپنا دکھ بیان کر رہی تھیں تو ان کے ایک طرف ان کے والد اور ایک طرف ان کی والدہ بیٹھی تھیں۔ والدہ کی آنکھوں میں آنسو تھے لیکن والد وہیں سر جھکائے بیٹھے رہے۔
