مریم نواز نے لکھا کہ فوڈ فیکٹریز کو زبردستی سرکاری محکموں سے دھمکیاں دلوا کر مہنگی اور گھٹیا کوالٹی چینی خریدنے پر مجبور کیا جا رہا ہے۔ مالکان کو بلیک میل اور ہراساں کیا جا رہا ہے کہ یا 8 روپے کلو مہنگی چینی خریدو یا فیکٹری بند کر دی جائے گی۔ ہر جگہ سے شکایات موصول ہو رہی ہیں۔
https://twitter.com/MaryamNSharif/status/1340206941902127104
یاد رہے کہ حکومت پاکستان نے چینی کو بیرون ملک سے منگوا کر مارکیٹس میں بیچنے کا عمل شروع کیا ہے جس سے چینی کی قیمت نیچے آگئی ہے۔ جبکہ اسکی کوالٹی کے حوالے سے بھی صارفین کی جانب سے مسلسل شکایتیں سامنے آنے کا عمل جاری ہے۔ چونکہ کرشنگ سیزن شروع ہوچکا ہے اس لیئے پاکستان کی اپنی ملوں کی بنائی ہوئی چینی باہر سے امپورٹ کی گئی چینی سے سستی ہو چکی ہے جبکہ کوالٹی میں بھی بہتر ہے۔