کشمیریوں کے ساتھ اظہار یکجہتی کے لیے اسلام آباد میں بائی سائیکل ریلی کا انعقاد

کشمیریوں کے ساتھ اظہار یکجہتی کے لیے ضلعی انتظامیہ اسلام آباد نے بائیسیکل ریلی کا انعقاد کیا۔

ریلی کا مقصد کشمیریوں کے تسلیم شدہ حق خود ارادیت اور جدوجہد آزادی کے ساتھ اظہار یکجہتی اور بھارتی ظلم و بربریت اور غاصبانہ قبضے کے خلاف آواز بلند کرنا تھا۔

اس موقع پر ڈپٹی کمشنر اسلام آباد نے میڈیا سے بات چیت کرتے ہوئے یوم کشمیر سے متعلق ضلعی انتظامیہ اسلام آباد کی تیاریوں کے بارے میں بھی بتایا۔ ڈپٹی کمشنر نے مزید یہ کہا کے ۳ فروری کو ضلعی انتظامیہ کی جانب سے ایک میراتھن کا انعقاد بھی کیا جائے گا۔ اس کے علاوہ کنونشن سنٹر میں این ایچ اے کے ساتھ مل کر ایک فنکشن بھی کرایا جائے گا جس میں ڈرامے کے ساتھ ساتھ دیگر پروگرام شامل ہوں گے۔