قومی احتساب بیورو راولپنڈی نے ایک مراسلے کے زریعے وزارت داخلہ کو درخواست کی کہ وہ سابقہ وزیر اعظم اور پاکستان مسلم لیگ ن کے سربراہ میاں محمد نواز شریف کے پاسپورٹ کو منسوخ اور قومی شناختی کارڈ کو بلاک کردیں۔
قومی احتساب بیورو نے وزارت داخلہ کو لکھے گئے مراسلے میں لکھا ہے کہ نواز شریف مسلسل عدالتوں سے غیر حاضر ہونے کے ساتھ ساتھ اشتہاری بھی قرار دیئے گئے ہیں اس لئے ان کے تمام قومی دستاویزات کو منسوخ اور بلاک کردیا جائے۔
نیب راولپنڈی نے مراسلے میں لکھا ہے کہ میاں نواز شریف عدالتوں کی جانب سے اشتہاری قرار دئیے گئے ہیں اور وہ عدالتوں کی جانب سے بار بار حاضر ہونے کے باؤجود پیش نہیں ہورہے ہیں اس لئے ان کے پاسپورٹ کو منسوخ اور ان کے قومی شناختی کارڈ کو ترجیحی بنیادوں پر بلاک کیا جائے