'نور مقدم نے خود کو قربانی کیلئے پیش کیا تھا'

اسلام آباد میں ہونے والے سفاکانہ قتل کے مرکزی ملزم ظاہر جعفر نے لرزہ خیز بیان دیتے ہوئے کہا ہے کہ نور مقدم نے خود کو قربانی کیلئے پیش کیا تھا، ’قربانی اسلام میں بھی جائز ہے۔

نور مقدم کیس کے مرکزی ملزم ظاہر جعفر نے یہ بات عدالت کی راہداری میں صحافیوں کے مختلف سوالات کا جواب دیتے ہوئے کہی۔ اس کا کہنا تھا کہ قتل کے روز میری اور نور مقدم کے درمیان لڑائی ہوئی تھی، ہم دونوں غصے میں تھے۔

یہ بات ذہن میں رہے کہ ظاہر جعفر پر الزام ہے انہوں نے نور مقدم کو قتل کرکے اس کا سر دھڑ سے الگ کر دیا تھا۔

آج اسلام آباد کی مقامی عدالت نے ظاہر جعفر اور ان کے والدین سمیت 12 ملزمان کیخلاف فرد جرم عائد کرتے ہوئے استغاثہ کو 20 اکتوبر کو گواہ پیش کرنے کا حکم دیا ہے۔

(Trigger warning): Zahir Jaffer said he killed Noor Mukadam because she presented herself for “sacrifice”. He added that his father told him to get rid of Noor’s body pic.twitter.com/gEwknXT9Bn

— Naya Daur Media (@nayadaurpk) October 14, 2021

فرد جرم عائد ہونے سے قبل ظاہر جعفر نے اعتراف جرم کرتے ہوئے کہا کہ میں نے ہی نور مقدم کو قتل کیا تھا۔ عدالت بتائے میرے ساتھ کیا سلوک کرے گی؟ مجھے سزا ملے گی یا معافی؟

ظاہر جعفر نے جج کو مخاطب کرتے ہوئے کہا کہ میں جیل میں نہیں رہنا چاہتا مجھے معافی دیدیں یا پھانسی، جیل میں تشدد کیا جاتا ہے، مجھے گھر میں ہی قید کر دیں۔

ملزم سماعت کے دوران ابنارمل حرکتیں کرتا رہا، اس نے گھٹنوں کے بل بیٹھ کر جج کے سامنے ہاتھ جوڑے اور معافی مانگنا شروع کر دی۔ ظاہر جعفر کا کہنا تھا کہ میری خواہش ہے کہ میری بھی شادی ہو، بچے ہوں، میں مرنا نہیں چاہتا۔