پاکستان میں آزادی صحافت کے لئے سنگین صورتحال

قانون سازی کے اقدامات، جسمانی حملے، آن لائن دھمکیاں اور گھیراؤ، حکومت کی سرپرستی میں بیان بازی۔ پچھلے سال پاکستان میں میڈیا نے آن لائن بڑھتے ہوئے محدود ماحول میں کام کیا اور اس دوران جسمانی حملوں کا سامنا بھی جاری رہا۔

2021-22 کے دوران، پہلے سے محدود اور دباؤ کے زیر اثر پریس کو قانونی ذرائع، خوف کے حربوں اور بیان بازی کے ذریعے مزید دبایا گیا جو ان کی ساکھ کو مجروح کرتا ہے۔ آزادیِ  صحافت سنگین صورتحال سے دوچار ہے۔

16 مئی کو پاکستان پریس فاؤنڈیشن (PPF)، کراچی پریس کلب اور فیڈرل اردو یونیورسٹی آف آرٹس، سائنس اینڈ ٹیکنالوجی( FUUAST)  نے آزادی صحافت کے عالمی دن کے موقع پر ایک یادگاری تقریب کا انعقاد کیا۔ تقریب کے دوران، پی پی ایف نے پاکستان میں آزادی صحافت کی صورتحال پر اپنی سالانہ رپورٹ کے ساتھ ساتھ پاکستان امپیونٹی واچ، پاکستان میں میڈیا کے خلاف حملوں اور ان کے بارے میں ہونے والی تحقیقات میں پیش رفت کی دستاویز کرنے والے ایک آن لائن ویب سائٹ کا اجرا کیا۔

پی پی ایف کی سالانہ رپورٹ بعنوان حملے، قانون سازی، بیان بازی اور ٹرولنگ، ایک دباؤ میں کام کرنے والا میڈیا نے پچھلے سال قابل قبول سمجھے جانے والے مواد پر رہنما خطوط طے کرنے والی قانون سازی اور قوانین میں اضافہ کے لیے ایک زبردست دباؤ محسوس کیا جس میں صحافیوں کے خلاف مقدمات کے اندراج، جسمانی حملے کا تسلسل اور صحافیوں کو ہراساں کرنا، آن لائن رجحانات کا استعمال اور صحافیوں خاص طور پر خواتین صحافیوں کو کو دھمکیاں شامل ہیں۔ آزادی صحافت کی حامی ہونے کے بجائے، حکومت نے گذشتہ برس کے بیشتر عرصے تک میڈیا کے ارکان کو بغیر کسی معتبر ثبوت کے ان کے الزامات کی مد میں بُرے القابات سے نوازا۔

پی پی ایف نے کم از کم ایک ایسا واقعہ ریکارڈ کیا ہے جہاں ایک میڈیا پروفیشنل کو اس کے کام کی وجہ سے ٹارگٹ حملے میں ہلاک کیا گیا تھا، دو غیر قانونی حراستوں اور اغوا، 41 جسمانی حملے، 13 حراستیں اور گرفتاریاں، 23 دھمکیاں جاری کیے جانے کے واقعات اور 7 ایسی مثالیں جہاں میڈیا کے پیشہ ور افراد کے خلاف مقدمات درج کئے گئے یا انہیں عدالت میں لے جایا گیا۔

ایک تشویشناک رجحان جس کا ہم نے حالیہ برسوں میں مشاہدہ کیا وہ میڈیا کے پیشہ ور افراد کو اٹھا لے جانا اور عارضی طور پر غیر قانونی حراست میں رکھنا رہا ہے۔ ان حراستوں کے بارے میں اکثر کہا جاتا ہے کہ صحافیوں کی سوشل میڈیا پوسٹس کی بنیاد پر ہوتی ہیں۔

سینئر صحافی اور روزنامہ ایکسپریس کے کالم نگار وارث رضا کو 22 ستمبر کو "قانون نافذ کرنے والے اداروں" نے گھنٹوں حراست میں رکھا۔ رضا نے کہا کہ جس وقت انہیں حراست میں لیا گیا، ان سے ان کی فیس بک پوسٹس اور ایکسپریس کے کالموں کے بارے میں پوچھا گیا۔

وفاقی تحقیقاتی ادارے (ایف آئی اے) کے ساتھ مل کر صحافیوں کے خلاف مقدمات درج کئے گئے اور ان کی رہائش گاہوں پر چھاپے بھی مارے گئے۔

16 فروری 2022 کو اسلام آباد میں ایڈیٹر اور تجزیہ کار محسن بیگ کے گھر ایف آئی اے کے اہلکاروں کی جانب سے ایک غیر مجاز چھاپہ مارا گیا۔ بعد ازاں انہیں گرفتار کر لیا گیا لیکن اسلام آباد ہائی کورٹ نے انہیں ریلیف فراہم کیا۔

صحافیوں کے خلاف قانونی کارروائی کے لئے ریاستی اداروں کے استعمال کا یہ انتہائی فعال استعمال محض ایف آئی اے تک محدود نہیں رہا۔

پیمرا نے اپنا آپریشن، میڈیا نیٹ ورکس کو ان کے شائع کردہ مواد کی بنیاد پر ہدایات اور شوکاز نوٹس کا اجرا جاری رکھا۔ ایسا لگتا ہے کہ ریگولیٹری باڈی مواد کو ریگولیٹ کرنے کے اپنے مینڈیٹ سے ہٹ کر پورے موضوعات کو جن کا براڈ کاسٹ میڈیا احاطہ کر رہا ہے سے روکنے کے لئے کام کر رہی ہے۔

اس کے ساتھ ساتھ، 2021-22 میں، جیسا کہ حالیہ برسوں میں مشاہدہ کیا گیا ہے، صحافی اکثر آن لائن حملوں کی زد میں آئے ہیں۔ مواد کو مجرمانہ قرار دینے اور ریگولیٹ کرنے کے ساتھ ساتھ صحافیوں کو ان کے مواد کی بنیاد پر مقدمات کے ذریعے نشانہ بنانے کے لیے قانون سازی پر بھی زیادہ توجہ دی گئی ہے۔ خاص طور پر جب یہ حملے خواتین صحافیوں کے خلاف شروع کیے جاتے ہیں، تو وہ ذاتی حملے کرتے ہیں جس کے نتیجے میں میڈیا کی کردار کشی ہوتی ہے۔

ویڈیو شیئرنگ ایپ، ٹک ٹاک، 2021 کے دوران مسلسل پابندیوں کا شکار رہی۔ عدالتی احکامات کی بنیاد پر، پاکستان ٹیلی کمیونیکیشن اتھارٹی عارضی طور پر ایپ کو بلاک کرتی رہی۔ نومبر میں سوشل میڈیا ایپلی کیشن کو بالآخر بحال کر دیا گیا۔

پی ٹی آئی کی زیر قیادت حکومت میں آزادی اظہار کی جگہ کو محدود کرنے والی قانون سازی کے ذریعے خاص طور پر آن لائن مواد کو مجرمانہ قرار دینے کے لیے مختلف کوششیں کی گئیں۔ پہلے سے موجود قانون سازی کو مزید سخت بنایا گیا اور نئے قوانین تجویز کیے گئے۔

یہ ایک مجوزہ سپر میڈیا ریگولیٹر، پاکستان میڈیا ڈویلپمنٹ اتھارٹی اور سوشل میڈیا قوانین کے ایک سیٹ کی شکل میں سامنے آیا۔ شاید سب سے زیادہ تشویشناک پیش رفت پاکستان الیکٹرانک کرائمز ایکٹ، 2016 کو پہلے سے زیادہ سخت بنانے کے لیے مزید تقویت دینے کی کوشش تھی۔

20 فروری 2022 کو صدر عارف علوی نے پیکا قانون میں ترمیم کے لیے پاکستان الیکٹرانک کرائمز (ترمیمی) آرڈیننس 2022 جاری کیا۔ اسلام آباد ہائیکورٹ نے اپریل میں اس آرڈیننس اور اس کا نفاذ کو "غیر آئینی، ناقص معقول شک سے بالاتر" قرار دیا تھا اور اسی وجہ سے اسے ختم کر دیا گیا۔

عدالتی فیصلوں ذریعے ریاستی اداروں کی جانب سے حد سے تجاوز کرنے کے خاتمے، ساتھ ساتھ صوبہ سندھ میں قومی اور صوبائی سطح پر صحافیوں کے تحفظ سے متعلق قانون سازی کی کامیاب منظوری کے ساتھ ، پاکستان نے پابندیوں کو تبدیل کرنے اور صحافیوں کے خلاف ہونے والے جرائم سے متعلق استثنیٰ کے کلچر  سے نمٹنے کے لیے کچھ اقدامات دیکھے۔

پی ٹی آئی کی حکومت میں صحافی سینئر سیاسی قیادت کا نشانہ بن گئے۔ عمران خان نے بحیثیت وزیراعظم خود صحافیوں کو مافیا اور بلیک میلر قرار دیا اور بغیر کسی ثبوت کے ایسے دعووں کی پشت پناہی کی۔ ایسے دعوے سے صحافیوں کی ساکھ کو مجروح کرنے اور ان کے سر پر ایک سخت لیبل چسپاں کرنے کا ایک طریقہ ہیں۔ یہ دیکھنا  باعث تشویش ہے کہ ملک کی اعلیٰ ترین قیادت میڈیا کے ان ارکان، جن سے وہ متفق نہیں یا جو ان پر تنقید کرتے ہیں، کے خلاف ایسے غیر مصدقہ دعوے کر سکتی ہے۔

عمران خان کی معزولی کے بعد سے، مسلم لیگ ن کی زیر قیادت نئی مخلوط حکومت نے میڈیا کے مسائل کو حل کرنے کے لیے بہت سے اقدامات کا اعلان کیا ہے۔

پیمرا اور پی ٹی اے کی جانب سے اس بات کی تردید کے باوجود کہ انہوں نے نیٹ ورک کو بلاک کیا ہے، ایسی شکایات موصول ہوئی ہیں کہ خان کی برطرفی کے بعد سے، اے آر وائی نیوزدباؤ کا شکار ہے۔ خان کی انتظامیہ کی طرح ، یہ نئی حکومت کی بھی ذمہ داری ہے کہ وہ اس بات کو یقینی بنائے کہ میڈیا کی آزادی مشروط نہ ہو، اور یہ تمام صحافیوں اور میڈیا کے  تمام پیشہ ور افراد کو حاصل ہو۔