پشاور کے دو بھائی جن کا تعلق احمدی کمیونٹی سے ہے انہیں مسلم خواتین سے شادی کے جرم میں گرفتار کیا گیا تھا اور اب ہائیکورٹ کی جانب سے انکی درخواست ضمانت رد کر دی گئی ہے۔
زید اور زاہد نامی دو بھائیوں پر الزام ہے کہ انہوں نے گزشتہ سال دو بہنوں سے شادی کی تاہم نکاح کے وقت اپنی مذہبی شناخت چھپائی اور انکی ساس جو کہ مقدمے کی مدعی ہیں انکے مطابق انہیں شادی کے وقت نہیں معلوم تھا کہ وہ احمدی ہیں۔
لڑکیوں کی شناخت ثوبیہ اور سلمیٰ کے نام سے ہوئی ہے جبکہ یہ شادیاں جون 2020 میں ہوئی تھیں۔
دونوں کے خلاف 493-A and 298-C کے تحت مقدمہ درج ہوا تھا۔
