عدالت کے باہر میڈیا سے گفتگو میں علی ظفر کا کہنا تھا کہ شاید یہ سب کینیڈا کی امیگریشن کیلئے کیا گیا ، کیا میشا شفیع ملالہ کی طرح عالمی پذیرائی چاہتی تھیں۔
@AliZafarsays Bhai stay strong. You spoke against a major propaganda "woman card". This isn't gonna work this time,you'll win the case Insha Allah. And'll make a shut up call to pseudo liberals. Stay strong insha Allah. #AliZafar #MeeshaShafi #MeToo pic.twitter.com/LSGkgrVyuR
— Freedom Fighter ™ (@GhulamQ_381) April 27, 2019
علی ظفر نے مزید کہا کہ میرے خلاف سوشل میڈیا پر مہم چلائی گئی اور میشا کی وکیل جعلی اکاؤنٹس کو فالو اور ری ٹوئٹ کررہی ہیں جس کے خلاف ایف آئی اے کو کیس دیا ہے۔
گلوکار کا کہنا تھا کہ آج سے گواہوں کی جرح شروع ہوگئی ہے تو میشا کے گواہ عدالت آئیں اور عدالت کا سامنا کریں۔
انہوں نے کہا کہ میشا شفیع کا کیس برخاست ہوچکا ہے اور ان کی اپیل مسترد ہوچکی ہے جب کہ مجھے میشا کے خلاف توہین کا کیس دائر کیے ایک سال ہوچکا ہے، ہمارے گواہ بھی آٹھ بار آچکے ہیں لہٰذا کیس کا فیصلہ جلد کیا جائے تاکہ میرا سچ اور ان کا جھوٹ سامنے آئے۔
بعدازاں علی ظفر نے حوالے سے ٹوئٹر پر لکھا کہ ملالہ ایک حقیقی جنگجو ہے جو قربانیاں دے کرانصاف اور سچائی کیلئے کھڑی ہے، میشا شفیع جھوٹ بول کراور جعلی اکاؤنٹس کا سہارا لے کر ملالہ نہیں بن سکتیں۔
#Malala is a true warrior who stands for truth and justice having made great sacrifices. Meesha cannot become her by lying and running away from justice hiding behind fake profiles on social media. #FaceTheCourtMeeshaShafi
— Ali Zafar (@AliZafarsays) April 27, 2019
واضح رہے کہ گزشتہ برس میشا شفیع نے علی ظفر پر جنسی ہراسانی کا الزام عائد کرتے ہوئے کہا تھا کہ علی ظفر نے انہیں ایک بار نہیں کئی بار ہراساں کیا ہے جس کے جواب میں علی ظفر نے میشا شفیع پر ہتک عزت کا دعویٰ دائر کرتے ہوئے انہیں ایک ارب ہرجانے کا نوٹس بھجوایاتھا۔